Navsari Accident : વિચલિત થઈ જવાય તેવા દ્રશ્યો, ફોરચ્યુનર કાર અને બસના અકસ્માતથી નવસારી હાઈવે રક્તરંજિત બન્યો

Gujarat Navsari Road Accident  ધવલ પારેખ/નવસારી : નવસારીના વેસ્મા ગામ નજીક નેશનલ નંબર-48 પર ગોઝારા અકસ્માતની ઘટના બની છે. જેમાં પૂરપાટ ઝડપે જતી ફોર્ચ્યુનર કાર ડિવાઈડર કૂદીને સામેના ટ્રેક પર લક્ઝરી બસ સાથે અકસ્માત સર્જાયો હતો. જેમાં કારમાં સવાર 9 માંથી 8 યુવાનોના ઘટનાસ્થળે કમકમાટીભર્યા મોત નીપજ્યા. જ્યારે બસ ડ્રાઈવરનું અકસ્માત દરમિયાન હાર્ટ અટેક આવતાં મોત થયું. આ ગમખ્વાર અકસ્માતમાં બસમાં સવાર 30 લોકોને નાની-મોટી ઈજા થતાં તમામને નવસારીની સિવિલ હોસ્પિટલ ખસેડાયા હતા. જ્યારે 11 ગંભીર રીતે ઈજાગ્રસ્તને નવસારીની ખાનગી હોસ્પિટલમાં ખસેડવામાં આવ્યા. તો સામાન્ય ઈજા પામનારને વલસાડ ખસેડાયા છે.