Deal Cancel: અદાણી ગ્રુપને લાગ્યો મોટો ઝટકો, આ દેશે પાવર ડીલ કરી રદ, ગ્રૂપની અનેક કંપનીના શેર તૂટ્યા

Deal Cancel: દેશના સૌથી મોટા ઔદ્યોગિક સમૂહ અદાણી ગ્રુપ માટે આ દેશથી ખરાબ સમાચાર આવ્યા છે. અહેવાલો અનુસાર, શ્રીલંકાની સરકારે ગ્રુપની કંપની અદાણી ગ્રીન એનર્જી સાથે $448 મિલિયન પાવર પરચેઝ ડીલ રદ કરી દીધી છે.

અમેરિકામાં અદાણી ગ્રૂપ સામેના ભ્રષ્ટાચારના આરોપોને ધ્યાનમાં રાખીને આ પ્રોજેક્ટની સમીક્ષા કરવા માટે એક સમિતિની પણ રચના કરવામાં આવી છે. આ સમાચાર વચ્ચે શુક્રવારે અને 24 જાન્યુઆરીના રોજ અદાણી ગ્રુપની મોટાભાગની લિસ્ટેડ કંપનીઓના શેરમાં મોટો ઘટાડો જોવા મળ્યો હતો.

શ્રીલંકાના અગ્રણી બિઝનેસ સમાચાર પત્રએ એક અહેવાલમાં દાવો કરવામાં આવ્યો છે કે દેશના રાષ્ટ્રપતિ અનુરા કુમારા દિસાનાયકેના નેતૃત્વમાં કેબિનેટે અદાણી જૂથને મોટો ઝટકો આપ્યો છે. કેબિનેટે અદાણી ગ્રીન એનર્જી એસએલ લિમિટેડને મન્નાર અને પૂનારીનમાં પવન ઉર્જા પ્લાન્ટના બાંધકામ માટેનો કોન્ટ્રાક્ટ આપવાનો નિર્ણય પાછો ખેંચી લીધો છે. આ સાથે વીજ ખરીદ કરાર રદ કરવામાં આવ્યો છે.  

તમને જણાવી દઈએ કે, વર્તમાન રાષ્ટ્રપતિએ તેમના ચૂંટણી પ્રચાર દરમિયાન આ સોદો રદ કરવાનો અને શ્રીલંકામાં પવન ઉર્જા વિકસાવવા માટે આંતરરાષ્ટ્રીય ટેન્ડરો આમંત્રિત કરવાનું વચન આપ્યું હતું. આ વચન પર કામ કરતાં કેબિનેટે મે 2024માં લેવાયેલા અગાઉના કેબિનેટ નિર્ણયને રદ કરવાનો નિર્ણય લીધો છે.  

સમાચાર એજન્સીના સૂત્રોને ટાંકીને જણાવ્યું હતું કે ગૌતમ અદાણી સહિતના વરિષ્ઠ જૂથ અધિકારીઓ સામે યુએસમાં ભ્રષ્ટાચારના આરોપોએ શ્રીલંકાની નવી સરકારને પગલાં લેવાની પ્રેરણા આપી છે. અમેરિકામાં આરોપો પછી, શ્રીલંકાના નવા રાષ્ટ્રપતિ અનુરા કુમારા દિસનાયકેએ અદાણીના સ્થાનિક પ્રોજેક્ટ્સની તપાસ શરૂ કરી. સૂત્રએ જણાવ્યું હતું કે તપાસ બાદ સરકારે પાવર ખરીદી સોદો રદ કર્યો હતો. આ સાથે સમગ્ર પ્રોજેક્ટની સમીક્ષા માટે એક સમિતિની નિમણૂક કરવામાં આવી છે.  

સપ્તાહના છેલ્લા ટ્રેડિંગ દિવસે અદાણી ગ્રીન એનર્જીનો શેર દિવસના ઉચ્ચ સ્તરથી લગભગ 6% ઘટીને રૂ. 1008ની નીચી સપાટીએ પહોંચ્યો હતો. તમને જણાવી દઈએ કે શેરનો અગાઉનો બંધ 1021.45 રૂપિયા હતો અને શુક્રવારે શેરની કિંમત 1065.45 રૂપિયાના સ્તરે પહોંચી ગઈ હતી. જોકે, વેચવાલીનાં કારણે શેર રૂ.1007.65ની નીચી સપાટીએ આવી ગયો હતો.  

આ સમાચારની અસર ગ્રૂપની અન્ય કંપનીઓના શેર પર પણ પડી અને તેઓ ખરાબ રીતે તુટ્યા હતા. અદાણી એન્ટરપ્રાઈઝના શેરમાં લગભગ 3 ટકાનો ઘટાડો થયો અને રૂ. 2318 પર બંધ થયો. અદાણી પોર્ટ્સનો શેર લગભગ એક ટકા ઘટીને 1093.90 રૂપિયા પર બંધ થયો હતો. 

અદાણી પાવરના શેરની વાત કરીએ તો, તે 1.27% ઘટીને રૂ. 514.90 પર રહ્યો હતો. એ જ રીતે અદાણી એનર્જી સોલ્યુશન્સનો શેર 2.57% ઘટીને રૂ. 789.95 થયો હતો. અદાણી ટોટલ ગેસની વાત કરીએ તો તે 2.62% ઘટીને રૂ. 641 પર બંધ થયો હતો. અદાણી વિલ્મરનો શેર 3.71% ઘટીને રૂ. 251.85 થયો હતો.  

(આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)