સુતા છે અનિલ અંબાણીની કંપનીઓના 5 શેર, માત્ર 13 દિવસમાં જ મોટું નુકસાન, બેમાં તો ટ્રેડિંગ પણ કરી શકતા નથી રોકાણકારો

Huge Loss: આ વર્ષે અત્યાર સુધીના 13 ટ્રેડિંગ દિવસોમાં અનિલ અંબાણીની મોટાભાગની કંપનીઓના શેર નેગેટિવમાં છે. રિલાયન્સ ગ્રૂપના મોટાભાગના શેરો ઘટાડા સાથે ટ્રેડ થઈ રહ્યા છે. રિલાયન્સ પાવર, રિલાયન્સ ઈન્ફ્રાસ્ટ્રક્ચર લિમિટેડ, રિલાયન્સ કોમ્યુનિકેશન અને રિલાયન્સ હોમ ફાઈનાન્સ સહિતના શેર નેગેટિવ છે.   

રિલાયન્સ પાવરના શેરની કિંમત હાલમાં 42.15 રૂપિયા છે. આ વર્ષે અત્યાર સુધીમાં આ સ્ટોક 13 દિવસમાં 7% ઘટ્યો છે.  

રિલાયન્સ હોમ ફાઇનાન્સના શેરની કિંમત હાલમાં 3.33 રૂપિયા છે. આ વર્ષે અત્યાર સુધીમાં સ્ટોક 15% ઘટ્યો છે.  

રિલાયન્સ ઈન્ફ્રાસ્ટ્રક્ચરના શેરની કિંમત હાલમાં 286.45 રૂપિયા છે. આ વર્ષે અત્યાર સુધીમાં, તેણે 13 ટ્રેડિંગ દિવસોમાં 11% સુધીનો ઘટાડો નોંધાવ્યો છે.  

રિલાયન્સ કોમ્યુનિકેશનના શેરની કિંમત હાલમાં રૂ. 1.78 છે. આ તેની 13 જાન્યુઆરીએ બંધ કિંમત છે. ત્યારથી તેનું ટ્રેડિંગ બંધ છે. આ વર્ષે અત્યાર સુધીમાં તેમાં 6%નો ઘટાડો થયો છે.  

રિલાયન્સ કેપિટલના શેરનું ટ્રેડિંગ ઘણા દિવસોથી બંધ છે. તેના શેરની છેલ્લી ટ્રેડિંગ કિંમત 11.79 રૂપિયા છે.