Swami Vivekanand એ કહેલી આટલી વાતો યાદ રાખશો તો ક્યારેય નહીં થાઓ દુઃખી! મળી જશે સફળતાની ચાવી

નવી દિલ્લીઃ યુવાઓમાં લોકપ્રિય એવા સ્વામી વિવેકાનંદજીની આજે 4 જુલાઈ 2022એ પુણ્યતિથિ છે. 39 વર્ષની ઉંમરમાં જ 4 જુલાઈ 1992ના રોજ સ્વામી વિવેકાનંદજીનું નિધન થયુ હતુ. એ પણ જણાવી દઈએ કે 12 જાન્યુઆરી 1863ના રોજ કોલકત્તામાં સ્વામી વિવેકાનંદજીનો જન્મ થયો હતો. સ્વામી વિવેકાનંદના અનમોલ વચન અને સંદેશ આજે પણ યુવાઓને ઊર્જાથી ભરી દે છે. 4 જુલાઈ સ્વામી વિવેકાનંદ સ્મૃતિ દિવસ તરીકે ઉજવવામાં આવે છે. ચાલો, ત્યારે આજે સ્વામી વિવેકાનંદની પુણ્યતિથિ તેમણે આપેલાં સૂત્રોને યાદ કરીએ. 

• જ્યાં સુધી તમે પોતે પોતાના પર વિશ્વાસ નથી કરતા, ત્યાં સુધી તમે ભગવાન પર વિશ્વાસ નથી કરી શકતા. 
• જે સમયે જે કામ કરવાનો સંકલ્પ કરે, તે કામ તે જ સમયે પૂરૂ કરો, નહીંતર લોકો તમારા પર વિશ્વાસ નહીં કરે. 
• દિવસમાં એક વખત પોતાની સાથે અચુક વાત કરો, નહીંતર તમે દુનિયાના સૌથી મહત્વપૂર્ણ વ્યક્તિ સાથે વાત કરવાનો મોકો ખોઈ દેશો. 
• લોકો તમારી પ્રશંસા કરે કે ટીકા કરે, ધ્યેય તમારા પ્રત્યે દયાળુ હોય કે ન હોય, તમે આજે મૃત્યુ પામો કે યુગમાં, તમે ક્યારેય ન્યાયના માર્ગથી ભટકશો નહીં. 
• ઉઠો, જાગો અને ત્યાં સુધી રોકાશો નહીં જ્યાં સુધી તમે તમારું લક્ષ્ય પ્રાપ્ત નથી કરી લેતા. 
• દિલ અને દિમાગ વચ્ચે કોઈ વાતની અસમંજસ હોય તો હંમેશા દિલની વાત સાંભળો. 
• એક શબ્દમાં કહીએ તો તમે જ પરમાત્મા છો. 
• જે ક્ષણ તમને એ ખબર પડી જશે કે ઈશ્વર આપની અંદર છે, એ ક્ષણથી તમને દરેક માણસમાં ઈશ્વરનું ચિત્ર દેખાવા લાગશે.
• તમે પોતે તમારા ઉપર વિશ્વાસ કરો અને દુનિયા તમારા પગમાં હશે.
• વાંચવા માટે એકાગ્રતા જરૂરી છે, એકાગ્રતા માટે ધ્યાન જરૂરી છે, અને ધ્યાનથી જ આપણે ઈન્દ્રિયો પર સંયમ રાખીને એકાગ્રતા પ્રાપ્ત કરી શકીએ છીએ. 
• દુનિયા મહાન વ્યામશાળા છે જ્યાં આપણે પોતે ,પોતાને મજબૂત બનાવવા માટે આવીએ છીએ.
• જેની પાસે શ્રેષ્ઠ વિચાર રહે છે , એ કોઈ દિવસ એકલો નથી રહેતો.
• ચિંતન કરો ચિંતા નહિ. નવા વિચારોને જન્મ આપો.
• પોતાને નિર્બળ સમજવા, એ સૌથી મોટું પાપ છે. 
• પોતાના સ્વભાવ પ્રત્યે સાચું રહેવું , એ સૌથી મોટો ધર્મ છે,  પોતાના ઉપર વિશ્વાસ રાખો 
• જ્યાં સુધી તમારા વિચાર પહોચે છે. ત્યાં સુધી જવાની હિંમત કરો, અને એ વિચારને પોતાના જીવનમાં ઉતારવાની કોશિશ કરો. 
• ધન્ય છે, જેમનું શરીર બીજાની સેવામાં નષ્ટ થઇ જાય છે.