સીમા હૈદર-સચિન મીણાની લવ સ્ટોરીનો The End,પરત મોકલાશે પાકિસ્તાન! જાણો દરેક વિગત

નવી દિલ્હીઃ પાકિસ્તાનની મહિલા સીમા હૈદરને પરત તેના દેશ મોકલવામાં આવશે. તેની કાયદાકીય કાર્યવાહી ચાલી રહી છે. ઉત્તર પ્રદેશના સ્પેશિયલ એડીજી (લો એન્ડ ઓર્ડર) પ્રશાંત કુમારે આ નિવેદન આપ્યું છે. તેમણે બુધવારે કહ્યું કે સીમા હૈદરને પાકિસ્તાન ડિપોર્ટ કરવાની પ્રક્રિયા ચાલી રહી છે. સીમા હૈદર હિન્દુસ્તાની શખ્સ સચિન મીણાને પ્રેમ કર્યા બાદ ઉત્તર પ્રદેશના ગ્રેટર નોઇડામાં રહેતી હતી. યુપી એટીએસ તેની પૂછપરછ કરી રહી છે અને દરરોજ આ કેસમાં નવા નવા ખુલાસા થઈ રહ્યાં છે. સીમા હૈદર પર પાકિસ્તાની જાસૂસ હોવાના આરોપ લાગી રહ્યાં છે. 

પ્રશાંત કુમારે કહ્યું કે, અમારી કોઈ ટીમ તપાસ માટે નેપાળ જઈ રહી નથી. સીમા હૈદરની સતત પૂછપરછ ચાલી રહી છે. તમામ એજન્સીઓ પોતપોતાની કામગીરી કરી રહી છે. આ મામલો બે દેશો સાથે સંબંધિત છે. જ્યાં સુધી પુરાવા ન મળે ત્યાં સુધી કશું કહેવું યોગ્ય નથી.

સરહદ અંગે નવો ખુલાસો
આ પહેલા સીમા હૈદરને લઈને તપાસ એજન્સીઓને મોટા પુરાવા મળ્યા છે. કોઈ ત્રીજાએ સીમાને ભારતમાં પ્રવેશવામાં મદદ કરી છે. સીમાને ભારતીય કપડા પહેરીને પ્રવેશવામાં આવ્યો હતો. ગુપ્તચર એજન્સી સાથે સંકળાયેલા સૂત્રોના જણાવ્યા અનુસાર, એવી આશંકા છે કે સીમાએ યોગ્ય તૈયારી સાથે પોતાનો ડ્રેસ એ રીતે તૈયાર કર્યો હતો કે તે દેશની બહારની મહિલા નહીં પણ ગ્રામીણ ભારતીય મહિલા જેવી લાગે છે અને વ્યાવસાયિક લોકોની મદદ લેવામાં આવી હતી. 

આ પણ વાંચોઃ FB-Insta પર શેર કરો છો તમારા બાળકોનો ફોટા? પોલીસે જારી કરી વોર્નિંગ, જાણો વિગત

સુરક્ષા એજન્સીઓની નજરથી બચવા માટે તેણે પોતાના બાળકોને પણ આ રીતે ડ્રેસ અપ કર્યાં હતા. તપાસ એજન્સીઓના જણાવ્યા અનુસાર, આ જ પદ્ધતિનો ઉપયોગ માનવ તસ્કરીમાં સામેલ મહિલાઓ એટલે કે ઘરેલું મદદગાર અથવા વેશ્યાવૃત્તિ રેકેટ ભારત-નેપાળ સરહદ પાર કરવા માટે કરે છે. આ સિવાય સીમા જે ભાષામાં અસ્ખલિત રીતે બોલી રહી છે, આવી ટ્રેનિંગ નેપાળમાં હાજર પાકિસ્તાની હેન્ડલર્સ દ્વારા તે મહિલાઓને આપવામાં આવે છે, જેમને નેપાળ સરહદ પાર કરીને ગેરકાયદેસર પ્રવૃત્તિઓ કરવા માટે ભારત મોકલવામાં આવે છે. હવે ભારતીય ગુપ્તચર અને તપાસ એજન્સીઓના નેજા હેઠળ આવા એજન્ટો છે જેઓ આ પદ્ધતિ માટે વિશેષ તૈયારી કરે છે.

હકીકતમાં હજુ પણ તે કોયડો બનેલો છે કે પાકિસ્તાનમાં રહેતા સીમા હૈદરને તે જાણ કઈ રીતે થઈ કે ભારતમાં નેપાળના ક્યા પોઈન્ટથી દાખલ થવું શક્ય છે. તેવામાં તપાસ એજન્સીઓની અત્યાર સુધીની તપાસ પ્રમાણે સીમાની કોઈ ત્રીજા વ્યક્તિએ મદદ કરી છે. આ કારણ છે કે શંકા હેઠળ એવા એજન્ટ પણ છે જે આ પ્રકારની ખાસ તૈયારી કરાવે છે. 

આ પણ વાંચોઃ સરકારે આપી મોટી ભેટ! એક સાથે એક સ્કીમમાં પહેલીવાર આ ત્રણ મોટા ફાયદા

સૂત્ર પ્રમાણે  ATS એ સીમાને પૂછપરછ દરમિયાન વાતચીતમાં ઉપયોગ કરવામાં આવેલા કોડવર્ડ પર પણ સવાલ કર્યા. એટીએસને શંકા છે કે વાતચીત દરમિયાન સીમા હૈદર હંમેશા મેસેજિંગ-ચેટિંગમાં કોડવર્ડનો ઉપયોગ કરતી હતી. ખુલાસો ખુબ સનસનીખેજ છે કારણ કે આ પ્રકારના કોડવર્ડનો ઉપયોગ ISI અને આતંકીઓ તરફથી કરવામાં આવે છે. 

મતલબ બહુ સ્પષ્ટ છે કે, જો સીમા પાકિસ્તાનની ગુપ્તચર સંસ્થાની પ્યાદું છે તો તે ભારત વિરુદ્ધ કોઈ મોટા ષડયંત્રમાં સામેલ થઈ શકે છે. હાલમાં યુપી એટીએસની સાથે અન્ય તપાસ એજન્સી આ મામલાની તપાસ કરી રહી છે. આ સાથે સીમાને શુદ્ધ હિન્દી બોલતા કોણે શીખવ્યું તેના પર પણ ફોકસ કરવામાં આવી રહ્યું છે. તેને હિંદુ વિધિઓ વિશે કેવી રીતે ખબર પડી. નોઈડા પહોંચવામાં તેને કોણે મદદ કરી?

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube