જમ્મુ-કાશ્મીરના LG જીસી મુર્મુએ આપ્યું રાજીનામું, મનોજ સિન્હા બનશે નવા ઉપરાજ્યપાલ
જમ્મુ અને કાશ્મીરના ઉપરાજ્યપાલ જીસી મુર્મુએ રાજીનામું આપી દીધુ છે. તેઓ ઓક્ટોબર 2019માં આ પદ પર નિયુક્ત થયા હતાં. સૂત્રોના જણાવ્યાં મુજબ તેઓ CAGનો પદભાર સંભાળશે. મુર્મુનું રાજીનામું એવા દિવસે પડ્યું છે કે જ્યારે જમ્મુ અને કાશ્મીરને વિશેષ દરજ્જો આપતી બંધારણની કલમ 370ની મોટાભાગની જોગવાઈઓ સમાપ્ત કરવાને ગઈ કાલે એક વર્ષ વિત્યું.
Trending Photos
- 5
- 5
- 6
- 15
)
નવી દિલ્હી: જમ્મુ અને કાશ્મીરના ઉપરાજ્યપાલ જીસી મુર્મુએ રાજીનામું આપી દીધુ છે. તેઓ ઓક્ટોબર 2019માં આ પદ પર નિયુક્ત થયા હતાં. સૂત્રોના જણાવ્યાં મુજબ તેઓ CAGનો પદભાર સંભાળશે. મુર્મુનું રાજીનામું એવા દિવસે પડ્યું છે કે જ્યારે જમ્મુ અને કાશ્મીરને વિશેષ દરજ્જો આપતી બંધારણની કલમ 370ની મોટાભાગની જોગવાઈઓ સમાપ્ત કરવાને ગઈ કાલે એક વર્ષ વિત્યું. મળતી માહિતી મુજબ રાષ્ટ્રપતિ રામનાથ કોવિંદે તેમનું રાજીનામું સ્વીકારી લીધુ છે અને હવે તેમની જવાબદારી મનોજ સિન્હા સંભાળશે. તેઓ નવા ઉપરાજ્યપાલ બનશે.
Manoj Sinha to be the new Lieutenant Governor of Jammu and Kashmir as President Kovind accepts the resignation of Girish Chandra Murmu. pic.twitter.com/QPS5D1jO8h
— ANI (@ANI) August 6, 2020
ગુજરાત કેડરના 60 વર્ષના પૂર્વ આઈપીએસ અધિકારીએ ગત વર્ષ 29 ઓક્ટોબરના રોજ આ કેન્દ્રશાસિત પ્રદેશના પ્રથમ એલજી તરીકે કાર્યભાર સંભાળ્યો હતો. 1985ની બેચના આઈએએસ અધિકારી મુર્મુના રાજીનામા પર કોઈ અધિકૃત નિવેદન તો નથી આવ્યું. આથી કાશ્મીરમાં આખો દિવસ આ ખબરને લઈને ગરમાવો જોવા મળ્યો.
જમ્મુ અને કાશ્મીરના પૂર્વ મુખ્યમંત્રી ઉમર અબ્દુલ્લાએ પણ એલજી સંબંધિત એક ટ્વિટ કરી હતી. તેમણે લખ્યું કે જમ્મુ અને કાશ્મીરના એલજીને લઈને આ બધુ શું સાંભળવામાં આવી રહ્યું છે? એકદમ કેટલાક કલાકો પહેલા આ સમાચાર મળ્યા અને હવે અચાનક જમ્મુ અને કાશ્મીરમાં સમગ્ર સોશિયલ મીડિયા અને વોટ્સએપ પર આ ખબર છવાયેલી છે.
What’s with all this chatter surrounding the LG of J&K? Came out of no where a few hours ago & suddenly it’s all over social media & WhatsApp in J&K.
— Omar Abdullah (@OmarAbdullah) August 5, 2020
ઉલ્લેખનીય છે કે જ્યારે નરેન્દ્ર મોદી ગુજરાતના મુખ્યમંત્રી હતાં ત્યારે મુર્મુએ તે વખતે પ્રધાન સચિવ તરીકે સેવા આપી હતી. તેઓ ઉપ રાજ્યપાલના પદ પર નિયુક્તના સમયે નાણા મંત્રાલયમાં સચિવ હતાં. જો કે હજુ એ ખબર નથી પડી કે જમ્મુ અને કાશ્મીરના નવા એલજી કોણ બનશે.
આ બધા વચ્ચે 5 ઓગસ્ટના રોજ કલમ 370ની જોગવાઈઓ દૂર કરાયાને એક વર્ષ થયાની વર્ષગાંઠ પણ કાશ્મીરમાં ઉજવાઈ. ગત વર્ષે 5 ઓગસ્ટ 2019ના રોજ કેન્દ્ર સરકારે સંસદમાં કલમ 370 દૂર કરવાની જાહેરાત કરી હતી. આ સાથે જ જમ્મુ અને કાશ્મીરને બે કેન્દ્રશાસિત પ્રદેશમાં વિભાજિત કરી દીધુ હતું.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
