મરતા મરતા બચ્યાં ભાજપના આ પૂર્વ મુખ્યમંત્રી, હવામાં ફંગોળાયું હેલિકોપ્ટર, જુઓ વીડિયો

BJP Senior Leader Helicopter Forced To Landing: ભાજપના દિગ્ગજ નેતા અને પૂર્વ મુખ્યમંત્રીને નડ્યો મોટો અકસ્માત. બાલ બાલ થયો બચાવ. હેલીકોપ્ટરમાં સવાર હતા અને લેન્ડિંગ વખતે હવામાં આમતેમ ફંગોળાઈ ગયું હોલિકોપ્ટર. થોડીવાર માટે તો સૌ કોઈનો જીવ થઈ ગયો હતો અધ્ધર...આ ઘટનાનો વીડિયો સામે આવતા સોશિયલ મીડિયા પર તે ખુબ જ ઝડપથી વાયરલ થઈ રહ્યો છે. અહીં વાત થઈ રહી છે કર્ણાટકના પૂર્વ મુખ્યમંત્રી યેદુરપ્પાની. કર્ણાટકમાં આગામી વિધાનસભા ચૂંટણીને ધ્યાનમાં રાખીને રાજ્યના વિવિધ ભાગોની મુલાકાત લઈ રહેલા પૂર્વ મુખ્યમંત્રી અને ભાજપના નેતા બીએસ યેદિયુરપ્પા સોમવારે જ્યારે તેમનું હેલિકોપ્ટર કલબુર્ગી જિલ્લાના જેવર્ગી વિસ્તારમાં ઉતરી રહ્યું હતું ત્યારે તેઓ બચી ગયા હતા.

જમીન પ્લાસ્ટિકની થેલીઓથી ભરેલી હતી, જેના કારણે પાયલોટ માટે હેલિકોપ્ટરને લેન્ડ કરવું મુશ્કેલ હતું. પ્લાસ્ટિકની થેલીઓના કારણે વિઝિબિલિટી પ્રભાવિત થઈ હતી. હેલિકોપ્ટરના પંખાના જોરદાર પવનને કારણે નજીકની ઝૂંપડપટ્ટી પર પ્લાસ્ટિક અને તેની આસપાસના કચરાના ઢગલા એટલા ઝડપથી વધી ગયા હતા કે જો પાયલોટે સમજણ ન દાખવી હોત તો અકસ્માત સર્જાઈ શક્યો હોત.
 

#WATCH | Kalaburagi | A helicopter, carrying former Karnataka CM and senior leader BS Yediyurappa, faced difficulty in landing after the helipad ground filled with plastic sheets and waste around. pic.twitter.com/BJTAMT1lpr

— ANI (@ANI) March 6, 2023

હેલિકોપ્ટર અકસ્માતનો ભોગ બની શકે છે-
પરિસ્થિતિને સમજીને પાયલોટે તરત જ હેલિકોપ્ટરને ઉપરની તરફ લઈ લીધું. બાદમાં, જ્યારે ત્યાં હાજર પોલીસ દળે આસપાસના વિસ્તારને સાફ કરાવ્યો, ત્યારબાદ હેલિકોપ્ટર લેન્ડ થઈ શક્યું. આ પહેલા લેન્ડિંગ સમયે હેલિકોપ્ટર આકાશમાં લહેરાતું જોવા મળ્યું હતું, જેનો વીડિયો વાયરલ થઈ રહ્યો છે. વીડિયો જોઈને લાગે છે કે હેલિકોપ્ટર અકસ્માતનો શિકાર બન્યું હશે. જણાવી દઈએ કે પૂર્વ સીએમ કર્ણાટકમાં યોજાનારી વિધાનસભા ચૂંટણીને ધ્યાનમાં રાખીને વિજય સંકલ્પ યાત્રામાં ભાગ લેવા જઈ રહ્યા હતા.