J&K: કુલગામમાં 4 આંતકવાદીઓ છૂપાયા હોવાની આશંકા, સુરક્ષા દળ સાથે શૂટઆઉટ શરૂ

નવી દિલ્હી: જમ્મૂ-કાશ્મીરના કુલગામમાં રવિવાર સવારે સુરક્ષા દળો અને આતંકવાદીઓ વચ્ચે શૂટઆઉટ ચાલી રહ્યું છે. આ શૂટઆઉટ દેવસર વિસ્તારના કેલમ ગામમાં થઇ રહ્યું છે. આ વિસ્તારમાં 2-4 આતંકવાદીઓ છૂપાયા હોવાની આશંકા દર્શાવવામાં આવી રહી છે. જમ્મૂ અને કાશ્મીર પોલીસના જણાવ્યા અનુસાર સુરક્ષા દળોને આ વિસ્તારમાં આતંકવાદીઓ છૂપાયા હોવાની સૂચના મળી હતી.

વધુમાં વાંચો: કુંભ મેળામાં આજે વસંત પંચમી પર ત્રીજુ શાહી સ્નાન, 2 કરોડથી વધુ લોકો આવવાની સંભાવના

તેના પર સેનાની સુરક્ષા દળોએ વિસ્તારમાં તપાસ અભિયાન શરૂ કર્યું હતું. આ વચ્ચે આતંકવાદીઓ અને સુરક્ષા દળોની સાથે શૂટઆઉટ શરૂ થઇ ગયું છે. આ વિસ્તારને ચારે બાજુએથી ઘેરી લેવામાં આવ્યો છે. સાથે જ મોબાઇલ અને ઇન્ટરનેટ સેવાઓ પણ બંધ કરી દેવામાં આવી છે. બંને તરફથી ગોળીબાર સતત ચાલી રહ્યો છે.

વધુમાં વાંચો: કોલકાતા પોલીસ કમિશ્નરની આજે ફરી પૂછપરછ કરશે CBI, પૂર્વ સાંસદ કૃણાલ ઘોષ પણ રહેશે હાજર

જણાવી દઇએ કે જમ્મૂ અને કાશ્મીરમાં સુરક્ષા દળોએ જાન્યુઆરીમાં મોટી સફળતા મળી હતી. કુલગામમાં સુરક્ષા દળોની સાથે શૂટઆઉટમાં અલ-બદ્રના સરગના જીતન ઉલ-ઇસ્લામ સહિત બે આતંકવાદી માર્યા ગયા હતા. પોલીસના અનુસાર, કટપોર શૂટઆઉટમાં બે આતંકવાદી જીતન ઉલ-ઇસ્લામ અને શકીલ ડાર માર્યા ગયા હતા. બંને આતંકવાદ સાથે જોડાયેલા ગુનામાં સામેલ હતા.

વધુમાં વાંચો: મનોહર પર્રિકર બિમારીમાં દેશની સેવારત્ત, રાહુલ ગાંધી ગંદી રાજનીતિમાં વ્યસ્ત: શાહ

ઇસ્લામ ‘એ++’ શ્રેણીના આતંકવાદી હતા. જે ગત વર્ષે નવેમ્બરમાં હિજબુલ મુઝાહિદ્દીનને છોડી અલ-બદ્ર સાથે જોડાયા હતા. બંને સંગઠનોની વચ્ચે અલ-બદ્રને મજબૂત કરવા માટે થયેલા કરાર બાદ તેઓ આ (અલ-બદ્ર) આતંકવાદી સંગઠનમાં સામેલ થયા હતા.

વધુમાં વાંચો: ટીએમસી MLA પુજા કરીને મંચ પરથી ઉતર્યા તે સાથે જ ગોળીબાર, ઘટના સ્થળે જ મોત

જણાવી દઇએ કે આ પહેલા 6 ફેબ્રુઆરી પુલવામામાં સુરક્ષા દળો અને આતંકવાદીઓ વચ્ચે થયેલા શૂટઆઉટમાં આતંકવાદી સંગઠન લશ્કર-એ-તૈયબા (એલઇટી)ના એક સ્વયંભૂ જિલ્લા કમાન્ડર માર્યા ગયા હતા. પોલીસ પ્રવક્તાએ જણાવ્યું હતું કે, પુલવામા જિલ્લાના ચકોર વિસ્તારમાં સેના અનો પોલીસના એક સંયુક્ત પેટ્રોલિંગ દળ પર આતંકવાદીઓના ગોળીબાર બાદ શૂટઆઉટ શરૂ થઇ ગયો હતો. પ્રવક્તાએ જણાવ્યું હતું કે, ત્યારબાદ શૂટઆઉટમાં એક આતંકવાદી માર્યો ગયો હતો. મોતને ભેટેલ આતંકવાદીની ઓળખ એક સ્થાનિક રહેવાસી ઇરપાન અહમદ શેખ તરીકે થઇ હતી.

વધુમાં વાંચો: મની લોન્ડરીંગ મુદ્દે વાડ્રાની સતત ત્રીજા દિવસે પુછપરછ, પ્રિયંકા ગાંધી પણ સાથે...

આતંકવાદી શેખનો એલઇટી સાથે સંબંદ્ધ હતો અને પુલવામામાં સંગઠનના જિલ્લા કમાન્ડરના તરીકે ઓળખાતો હતો. આંતકવાદી ગુનામાં સામેલગીરીને લીધે પોલીસ તેની શોધ કરી રહી હતી. પ્રવક્તાએ જણાવ્યું હતું કે ઇરફાન શેખનો એક લાંબો ગુનાહિત ઇતિહાસ હતો. જેમાં તેમની સામે ઘણા આતંકવાદી ગુના નોંધાયા હતા. ગ્રેનેડ હુમલા સહિત વિસ્તારમાં સુરક્ષા પ્રતિષ્ઠાનો પર ઘણા આતંકવાદી હુમાલા અને ષડયંત્રમાં તે સામેલ હતો.

દેશના અન્ય સમાચાર વાંચવા માટે અહીં ક્લિક કરો...