સરકારી કર્મચારીઓ આનંદો...મોદી સરકારે NPSમાં સરકારનો ફાળો વધાર્યો, જાણો કેટલો થયો

નવી દિલ્હી: જો તમે સરકારી કર્મચારીઓ છો તો આ સમાચાર તમને ખુશખુશાલ કરી નાખશે. નેશનલ પેન્શન સ્કીમ (NPS)માં સરકારનો ફાળો વધીને મૂળ પગારના 14 ટકા કરવામાં આવ્યો છે.  કેન્દ્રીય મંત્રી અરુણ જેટલીએ સોમવારે આ અંગે જાણકારી આપતા કહ્યું કે કેબિનેટે એનપીએસમાં કેટલાક ફેરફાર કર્યા છે. સરકારે હાલ જે 10 ટકા ફાળો અપાતો હતો તેને વધારીને 14 ટકા કર્યો છે. આ ઉપરાંત હવે એનપીએસની કુલ રકમમાંથી 60 ટકા ઉપાડ ઉપર પણ કોઈ ટેક્સ આપવો પડશે નહીં. પહેલા આ મર્યાદા 40 ટકા હતી. 

લોકસભા ચૂંટણી 2019:  ભાજપને રોકવા માટે આજે 'મહાગઠબંધન'ની બેઠક, બે મોટા નેતા નહીં થાય સામેલ

અત્રે જણાવવાનું કે આ અગાઉ  કેબિનેટે ગુરુવારે એનપીએસમાં સરકારનો ફાળો વધારીને મૂળ પગારના 14 ટકા કર્યો હતો. જો કે હાલ આ ફાળો 10 ટકા છે. તેમાં સૌથી મહત્વની વાત એ છે કે કર્મચારીઓનો ન્યૂનતમ ફાળો 10 ટકા જ રહેશે. કેબિનેટે કર્મચારીના 10 ટકા સુધીના ફાળા માટે આવકવેરા કાયદાની કલમ 80 સી હેઠળ કર પ્રોત્સાહનને પણ મંજૂરી આપી. 

MP Election Results: રાજ્યમાં આ સ્થિતિ ઊભી થશે તો આનંદીબેન પટેલની ભૂમિકા બનશે ખુબ મહત્વની

હાલ સરકાર તથા કર્મચારીઓનો ફાળો એનપીએસમાં 10-10 ટકા છે. કર્મચારીઓનો ન્યૂનતમ ફાળો 10 ટકા જ રહેશે. જ્યારે સરકારનો ફાળો 10 ટકાથી વધારીને 14 ટકા કરવામાં આવ્યો છે. આ ઉપરાંત કર્મચારીઓ પાસે ફિક્સ્ડ ઈન્કમ પ્રોડક્ટ્સ કે શેર ઈક્વિટીમાં રોકાણનો પણ વિકલ્પ રહેશે. 

દેશના વધુ સમાચારો વાંચવા માટે કરો ક્લિક...