બેંગલુરુઃ IIScની એરોપ્સેપસ લેબોરેટરીમાં વિસ્ફોટ, એક વૈજ્ઞાનિકનું મોત, 3 ઘાયલ

બેંગલુરુઃ કર્ણાટકમાં ઈન્ડિયન ઈન્સ્ટિટ્યુટ ઓફ સાયન્સની એરોસ્પેસ લેબોરેટરીમાં ભયાનક વિસ્ફોટ થતાં એક વૈજ્ઞાનિકનું મોત થયાના સમાચાર છે. બેંગલુરુમાં આવેલી ઈન્ડિયન ઈન્સ્ટિટ્યુટ ઓફ સાયન્સની એરોસ્પેસ લેબોરટરીમાં આ વિસ્ફોટ થયો છે. પ્રાથમિક અંદાજ મુજબ હાઈડ્રોજન ગેસ સિલિન્ડર ફાટવાને કારણે વિસ્ફોટ થયો છે. 

સદાશિવનગર પોલિસના જણાવ્યા અનુસાર, લેબોરેટરિમાં થયેલા આ વિસ્ફોટમાં એક વૈજ્ઞાનિકનું ઘટનાસ્થળે જ મોત થઈ ગયું છે, જ્યારે અન્ય ત્રણને ગંભીર સ્થિતિમાં હોસ્પિટલમાં દાખલ કરવામાં આવ્યા છે. 

Sadashivanagar police: One scientist has died, three others critically injured following a suspected hydrogen cylinder explosion at aerospace lab at Indian Institute of Science, Bengaluru. More details awaited. #Karnataka pic.twitter.com/uOlaN9GUPb

— ANI (@ANI) December 5, 2018

વિસ્ફોટનું મુખ્ય કારણ હજુ સુધી જાણી શકાયું નથી. ઘાયલોને નજીકની સ્થાનિક હોસ્પિટલમાં દાખલ કરવામાં આવ્યા છે. 

એવું કહેવાય છે કે આ વિસ્ફોટ બપોરે 2.20 કલાકે થયો હતો. એ સમયે લેબોરેટરીમાં ચાર વ્યક્તિ હાજર હતા. ઈન્ડિયન ઈન્સ્ટિટ્યુટ ઓફ સાયન્સના અધિકારીઓએ જણાવ્યું કે, વિસ્ફોટ કયા કારણે થયો તેના અંગે હાલ કશું કહી શકાય એમ નથી. લેબોરેટરીમાં બધું જ વેરવિખેર હતું, ત્યાં ગેસ કે આગનું કોઈ નિશાન જોવા મળ્યું નથી.