ઓસ્ટ્રેલિયા ભણવા જવાના ખ્વાબ જોનારા ગુજરાતીઓને મોટો ઝટકો, આ 2 યુનિવર્સિટીએ મૂક્યો પ્રતિબંધ

Australian Universities Restrict Indian Students: ગુજરાતના વિદ્યાર્થીઓનું ઓસ્ટ્રેલિયામાં ઉચ્ચ અભ્યાસનું સપનું રોળાય એવી શક્યતા ઉભી થઈ છે. ગત ફેબ્રુઆરી મહિનામાંઓસ્ટ્રેલિયાની 5 યુનિવર્સીટીઓમાં ભારતીય વિદ્યાર્થીઓની વિઝા અરજી પર પ્રતિબંધ મૂક્યો હતો. એડિન કોવાન, વિક્ટોરિયા યુનિ, વુલનગોંગ યુનિ, ટોરેન્સ યુનિ અને સધર્ન યુનિ.એ વિઝા નહીં આપવા નક્કી કર્યું છે. ત્યારે આ હવે આ લિસ્ટમાં વધુ બે યુનિવર્સિટીનું નામ ઉમેરાયું છે. ઓસ્ટ્રેલિયાની બે યુનિવર્સિટીમાં ગુજરાતના વિદ્યાર્થીઓ પર પ્રતિબંધ મૂક્યો છે. ઓસ્ટ્રેલિયાના ફેમસ ફેડરેશન યુનિ અને વેર્સ્ટન સિડની યુનિવર્સિટીએ ભારતના પાંચ રાજ્યોના વિદ્યાર્થીઓના વિઝા પર પ્રતિબંધનો નિર્ણય કર્યો છે. ફ્રોડ વિઝાની વધતી અરજીને કારણે આ બંને યુનિવર્સિટીઓ આ નિર્ણય લેવા મજબૂર બની છે. મહત્વનું છે કે ગુજરાત ઉપરાંત પંજાબ, હરિયાણા, ઉત્તરાખંડ, ઉત્તર પ્રદેશ અને જમ્મુ કાશ્મીરના વિદ્યાર્થીઓ પર પણ બંને યુનિવર્સીટીએ પ્રતિબંધ લગાવ્યો છે.

બનાવટી અરજીઓના વધારાને કારણે ઓસ્ટ્રેલિયાની યુનિવર્સિટીઓ હવે કેટલાક ભારતીય રાજ્યોના વિદ્યાર્થીઓના પ્રવેશ પર પ્રતિબંધ લાદી રહી છે. ઓસ્ટ્રેલિયામાં આ વર્ષે ભારતીય વિદ્યાર્થીઓની સંખ્યા વર્ષ 2019ના 75,000નો સૌથી વધુ આંકડો પાર કરી શકે છે. સિડની મોર્નિંગ હેરાલ્ડ અખબારે થોડા સમય પહેલા એક અહેવાલ આપ્યો હતો કે વિદ્યાર્થીઓની સંખ્યામાં હાલના વધારાથી ઓસ્ટ્રેલિયાની ઇમિગ્રેશન સિસ્ટમ અને દેશના આકર્ષક આંતરરાષ્ટ્રીય શિક્ષણ બજાર પર સંભવિત લાંબા ગાળાની અસરને લઈને સાંસદો અને શિક્ષણ ક્ષેત્ર સાથે લોકોએ ચિંતા વ્યક્ત કરી છે.

સિદ્ધપુરની લવિના લગ્નના 5 દિવસ પહેલાં કેવી રીતે મૃત્યુ પામી, મંગેતરે ખોલ્યા સિક્રેટ

આ મામલે એક મોટો ખુલાસો થયો છે અને જેમાં ગુજરાતીઓ સહિત ભારતીય વિદ્યાર્થીઓ સ્ટુડન્ટ વિઝા મેળવવા કરેલ અરજીમાં દસ્તાવેજો ખોટા આવતા હોવાનું સામે આવ્યું છે. સ્ટુડન્ટ વિઝા પર ગયેલ વિદ્યાર્થીઓ નોકરી કરવામાં વધારે ધ્યાન આપતા હોવાનું સામે આવ્યું છે. આમ, ઓસ્ટ્રેલિયન યુનિવર્સિટીઝના આ નિર્ણયથી વિદેશમા ભણવા જવા ઈચ્છુક અનેક વિદ્યાર્થીઓના સપના રોળાશે. 

ઓસ્ટ્રેલિયન યુનિવર્સિટીના વલણ બાદ વિઝા કન્સલટન્ટનો મોટો દાવો કરવામાં આવ્યો છે. જેમાં કહેવામાં આવ્યું છે કે, ગુજરાત, પંજાબ અને હરિયાણના વિદ્યાર્થીઓ ઓસ્ટ્રેલિયા જવા માટે પ્રતિષ્ઠિત યુનિવર્સિટીમાં પ્રવેશ મેળવતા હોવાનો ખુલાસો થયો છે. ઓસ્ટ્રેલિયા પહોંચ્યા બાદ વિદ્યાર્થીઓ સામાન્ય કોલેજમાં ટ્રાન્સફર લઇ નોકરી પર ધ્યાન આપે છે. ગુજરાત શૈક્ષણિક બોર્ડની માર્કશીટ ઓનલાઇન વેરીફાઇડ થતું નથી. 

અમિત શાહના ખાસ નેતાને પાટીલે બધાની વચ્ચે ખખડાવ્યા, લઈ લીધો ઉધડો

નકલી વિદ્યાર્થીઓની સંખ્યા પણ વધી છે
થોડા સમય પહેલા ગ્લોબલ એજ્યુકેશન ફર્મ નવિતાસના જ્હોન ચ્યુએ જણાવ્યું હતું કે, "આવનારા વિદ્યાર્થીઓની સંખ્યા અપેક્ષા કરતા ઘણી વધારે છે." તેમણે કહ્યું, 'અમને ખબર હતી કે સંખ્યામાં ઘણો વધારો થશે, પરંતુ તેની સાથે નકલી વિદ્યાર્થીઓની સંખ્યા પણ વધી છે.' રિપોર્ટમાં કહેવામાં આવ્યું છે કે આ સ્થિતિનો સામનો કરવા માટે હવે ઘણી યુનિવર્સિટીઓ પ્રતિબંધ લગાવી રહી છે.

મુખ્યમંત્રીના જ નિર્ણયનો ઉલાળિયો કરતા મંત્રીઓ માટે નવું ફરમાન છૂટ્યું

આ નિર્ણય પાછળ અનેક કારણો કારણો હોઈ શકે છે, જેમાં ઓસ્ટ્રેલિયન યુનિવર્સિટીમાં ઓછી હાજરીના કારણે પણ નિર્ણય લેવાયો હોઈ શકે છે. લેભાગુ તત્વોના કારણે ઘણા કિસ્સામાં ખોટા દસ્તાવેજો જમા થતા હોય છે. ઓસ્ટ્રેલિયાની યુનિવર્સિટીઓ દ્વારા થયેલા રિવ્યુમાં આ વિગતો સામે આવી છે. આ નિર્ણયના કારણે અભ્યાસ અર્થે ઓસ્ટ્રેલિયા જવા માંગતા સાચા વિદ્યાર્થીઓને અસર થઈ શકે છે. પરંતુ અમેરિકા વિઝા ખુલતાં ઓસ્ટ્રેલિયા, યુકે, કેનેડા તરફનો વિદ્યાર્થીઓનો ફ્લો ઘટશે. 

તમને જણાવી દઈએ કે માર્ચ 2023માં ભારતની મુલાકાતે આવેલા ઓસ્ટ્રેલિયાના વડાપ્રધાને ગુજરાતીમાં જણાવ્યું હતું કે, ભારતીય લાયકાત ધરાવતા વિદ્યાર્થીઓને ઓસ્ટ્રેલિયામાં માન્યતા આપવામાં આવશે. આ ઉપરાંત તેમણે એમ પણ કહ્યું કે ઓસ્ટ્રેલિયામાં ભણેલા ભારતીય વિદ્યાર્થીઓની ઓસ્ટ્રેલિયન ડિગ્રીને પણ ભારતમાં માન્યતા આપવામાં આવશે. 

પટેલ પરિવારમાં મોટી દીકરીના લગ્ન પહેલા માતા અને બે બહેનો થઈ ગુમ, લગ્ન અટકી પડ્યા