રાજકોટઃ મેચમાં પૈસા હારી જતા જાણીતા બુકીએ કરી આત્મહત્યા

રાજકોટઃ શહેરમાં એક મોટા ગજાના બુકીએ આત્મહત્યા કરી લીધી છે. વધારે પડતું દેવું થઈ જતા બુકીએ પોતાનો જીવ આપી દીધું છે. જાણવા મળી રહ્યું છે કે, તાજેતરમાં એક મેચ દરમિયાન ગ્રાહક ત્રણ કરોડ જીતી જતા નામાંકિત બુકીએ ગળેફાંસો ખાઈને આપઘાત કરી લીધો છે. બુકીને ગ્રાહકો ધમકી આપતા હોવાથી આ અંતિ પગલું ભરી લીધું છે. 

પ્રાપ્ત વિગત અનુસાર શહેરના જામનગર રોડ પર આવેલા કોપર સિટીમાં રહેતા કમલભાઈ ઉર્ફે કાળુ જૈસવાલ નામનો બુકી મેચમાં કરોડો રૂપિયા હારી ગયો હતો. ત્યારબાદ ગ્રાહકો દ્વારા પૈસા બાબતે તેની ધમકી આપવામાં આવતી હતી. અંતે બુકીએ આત્મહત્યા કરી લીધી છે. પોલીસે ઘટનાસ્થળે પહોંચીને મૃતદેહને પોસ્ટમોર્ટમ રિપોર્ટ માટે મોકલી આપ્યો છે. આ સાથે પોલીસે વધુ તપાસ હાથ ધરી છે.