PM મોદી સાથે જોડાયેલા કેસમાં તિસ્તા સેતલવાડની મુશ્કેલીઓ વધી : હાઈકોર્ટના આદેશ બાદ જેલમાં જવું પડશે
Teesta Setalvad bail rejected: ગુજરાત રમખાણોમાં પીએમ મોદી અને રાજ્યને બદનામ કરવાના આરોપોનો સામનો કરી રહેલા તિસ્તા સેતલવાડની મુશ્કેલીઓ વધી ગઈ છે. સેતલવાડની જામીન અરજી ફગાવી દેતાં ગુજરાત હાઈકોર્ટે તેમને તાત્કાલિક સરેંડર કરવાનું કહ્યું છે. તિસ્તા પર પીએમ મોદીને ફસાવવાનું ષડયંત્ર રચવાનો આરોપ છે.
Trending Photos
- 6
- 5
- 7
- 5
)
ગુજરાતના તત્કાલિન મુખ્યમંત્રી નરેન્દ્ર મોદીને બદનામ કરવાના કેસમાં સામાજિક કાર્યકર તિસ્તા સેતલવાડના જામીન હાઇકોર્ટે ફગાવી દીધા હતા. ગુજરાત હાઈકોર્ટે મુંબઈમાં રહેતા સામાજિક કાર્યકરને તાત્કાલિક સરેંડર કરવા કહ્યું છે. 2002ના ગુજરાત રમખાણોમાં પીએમ મોદીને ક્લીનચીટ આપવામાં આવ્યા બાદ સેતલવાડ પર ખોટી રીતે પુરાવા ઉભા કરવા બદલ કેસ થયો હતો. આરોપ છે કે તેમણે પીએમ મોદીને બદનામ કરવા અને ફસાવવાના ઉદ્દેશ્યથી આવું કર્યું હતું. ગુજરાત પોલીસે FIR નોંધ્યા બાદ 25 જૂન, 2022ના રોજ તિસ્તા સેતલવાડની પણ ધરપકડ કરી હતી.
સુપ્રીમ કોર્ટમાંથી મળી હતી રાહત
તિસ્તા સેતલવાડને ગુજરાત પોલીસ દ્વારા ધરપકડ કરવામાં આવ્યા બાદ ઘણા મહિનાઓ સુધી જેલમાં રહેવું પડ્યું હતું. આ પછી સુપ્રીમ કોર્ટે તિસ્તા સેતલવાડને વચગાળાના જામીન આપ્યા હતા. સુપ્રીમ કોર્ટે સપ્ટેમ્બર 2022માં તિસ્તા સીલતવાડને જામીન આપ્યા હતા. આ પછી તે જેલમાંથી બહાર આવવામાં સફળ રહી હતી. ગુજરાત હાઈકોર્ટમાં નિર્જર દેસાઈએ તિસ્તાની જામીન અરજી પર સુનાવણી કરી અને તિસ્તાની માગણી ફગાવી દીધી હતી. વડાપ્રધાન નરેન્દ્ર મોદીને ગુજરાત રમખાણોમાં ક્લીનચીટ આપવામાં આવ્યા બાદ, ગુજરાત પોલીસની અમદાવાદ ડીસીબીએ ખોટા પુરાવાઓ બનાવવા બદલ FIR દાખલ કરી હતી. આ કેસમાં તિસ્તા ઉપરાંત સસ્પેન્ડેડ આઈપીએસ સંજીવ ભટ્ટ અને રાજ્યના પૂર્વ ડીજીપી આરબી શ્રીકુમાર પણ તેની સાથે છે. આ કેસમાં બંને સહઆરોપી પણ છે.
તિસ્તા પર શું છે આરોપ?
તિસ્તા સેતલવાડ પર આરોપ છે કે તેણે ગુજરાત રમખાણો પછી કોંગ્રેસના ભૂતપૂર્વ સાંસદ એહસાન જાફરીની પત્ની ઝાકિયા જાફરી સાથે મળીને કાવતરું ઘડ્યું હતું અને તત્કાલિન મુખ્યમંત્રી નરેન્દ્ર મોદી (હવે વડાપ્રધાન)ને ફસાવવા માટે ખોટા પુરાવા સાથે ખોટા કેસ દાખલ કર્યા હતા. એટલું જ નહીં, તિસ્તાએ આમાં સસ્પેન્ડેડ આઈપીએસ અને પૂર્વ ડીજીપી આરબી શ્રીકુમારની મદદ લીધી હોવાનો આરોપ છે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
