સ્વામી વિશ્વવલ્લભે પ્રવચનમાં કહ્યું, દિલ્હીથી સાવરણો ગુજરાતમાં આવે છે, સાફ તો કરશે જ...

ચેતન પટેલ/સુરત :સુરતના વલ્લભ સ્વામીના પ્રવચન વીડિયો (viral video) હાલ વાયરલ થયો છે. જેમાં તેમણે ચર્ચા જગાવનારુ નિવેદન કર્યુ છે. તેમણે એક પ્રવચનમાં કહ્યું કે, આમ આદમી પાર્ટી ગુજરાતમાં ઝાડુ ફેરવશે. દિલ્હીથી સાવરણો ગુજરાતમાં આવે છે, સાફ તો કરશે જ. સ્વામીએ ગર્ભિત રીતે 2022ની વિધાનસભાની ચૂંટણીમાં આપને સફળતા મળશે એવા સંકેત આપ્યા હતા. 

ગઈકાલે સુરતના રૂસ્તમબાગ ખાતે આવેલ સ્વામીનારાયણ મંદિર દ્વારા ઓનલાઈન કથા યોજાઈ હતી. જેમાં મંદિરના મહંત વિશ્વવલ્લભ સ્વામીએ પ્રવચન આપ્યું હતું. જેમા વિશ્વવલ્લભ સ્વામીએ રાજકારણની કરેલી વાતોને લઈને ભારે ચર્ચા જાગી છે. તેમણે ઓનલાઈન કથામાં રાજકીય વાતો કરી હતી. તેમણએ કહ્યું હતું કે, દિલ્હીથી નીકળેલો સાવરણો કંઈક તો સાફ કરશે જ. સાવરણાનું તો કામ જ સાફ કરવાનું છે.

૨૦૨૨ માં સાવરણો આવશે અને સાફ સફાઈ કરશે.

જય સ્વામીનારાયણ.... pic.twitter.com/MCNifsP2nG

— Nikhil Savani (@NikhilSavani_) July 20, 2021

પોતાના પ્રવચનમાં તેમણે આમ આદમી પાર્ટીને સમર્થન આપ્યું હતું. વલ્લભ સ્વામીએ પોતાના પ્રવચનમાં વધુમાં કહ્યુ હતું કે, રાજકારણમાં ચૂંટણીઓ આવતી હોય છે. જતી હોય છે, પરંતુ ઘણી વખત વ્યક્તિ ચૂંટણીને લઈને પોતાનો રાગ દ્વેષ લાંબા સમય સુધી રાખતો હોય છે. જે ખરેખર યોગ્ય નથી. કોઈને રાહુલ ગાંધી ગમે, તો કોઈને કેજરીવાલ ગમે છે. રાગ દ્વેષ ચૂંટણી પૂરતો હોવો જોઈએ. ત્યારબાદ તેને ભૂલી જવો જોઈએ. આગળ વાત કરતા વિશ્વલ્લભ સ્વામી કહ્યું કે, દિલ્હીથી કેજરીવાલનો સાવરણો ગુજરાતમાં આવ્યો છે. હવે ગુજરાતમાં સાવરણો આવ્યો છે તો, સફાઈ તો કરશે જ એ તો પાક્કું છે. કોની સફાઈ કરશે તે ખબર નથી.પણ સફાઈની તૈયારી તો રાખવી જ પડશે.

સ્વામીનો આપ પાર્ટીને સમર્થન આપતો વીડિયો પાર્ટીના સોશિયલ મીડિયા એકાઉન્ટમાં મૂકાયો છે. જે હાલ વાયરલ થયો છે અને ચર્ચાના ચગડોળે ચઢ્યો છે.