સુરત-રાજકોટમાં વધુ 1-1 પોઝિટિવ કેસ નોંધાયો, રાજ્યમાં કોરોના પોઝીટીવ દર્દીઓની સંખ્યા 71 થઈ

અમદાવાદ: અમદાવાદ: દેશભરમાં કોરોના કહેર વર્તાવી રહ્યો છે. સુરતમાં અને રાજકોટમાં વધુ એક-એક નવા કેસ નોંધાતાની સાથે જ ગુજરાતમાં કોરોનાના કુલ પોઝિટિવ કેસ 71 થયા છે. સુરતના એક 69 વર્ષીય પુરૂષનો કોરોના રિપોર્ટ પોઝિટિવ આવ્યો છે તે પણ લોકલ છે. જ્યારે રાજકોટમાં 28 વર્ષીય યુવકનો રિપોર્ટ પોઝિટિવ આવ્યો છે તે પણ લોકલ છે. આ સિવાય ભાવનગરમાં એક વ્યક્તિનું મૃત્યુ થતા રાજ્યમાં અત્યાર સુધીમાં કુલ 6ના મોત નીપજ્યાં છે. હાલમાં રાજ્યમાં કોરોનાના સૌથી વધુ 23 કેસ અમદાવાદમાં નોંધાયા છે. 

કોરોન્ટાઈનમાં રહેલા લોકો માટે હેલ્પલાઇન લોન્ચ કરવામાં આવી 1100 નંબર છે. રાજ્યમાં કોરોનાનો આતંક હવે ત્રીજા તબક્કામાં સતત વધવાનો છે એવી ચેતવણીના પગલે AMC હવે રાતોરાત મેડિકલ ઓફિસર અને પેરામેડિકલ ઓફિસરની ભરતી કરી રહ્યું છે. કોરોના વાઇરસના કેસો રાજ્યમાં અને ખાસ કરીને અમદાવાદમાં વધી રહ્યા છે.  

આ સંજોગોમાં અમદાવાદની SVP હોસ્પિટલમાં અને સિવિલમાં હાલ આઇસોલેશન વોર્ડ ઉભા કરવામાં આવ્યા છે. જૂની વીએસ હોસ્પિટલમાં પણ નવા આઇસોલેશન વોર્ડ ઉભા કરવાની તૈયારી કરવામાં આવી છે. આ સંજોગોમાં વધારે મેડિકલ સ્ટાફની જરૂર પડશે અને એટલે આ નિર્ણય લેવામાં આવ્યો છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

કોરોના વાયરસ સાથે જોડાયેલા તમામ સમાચાર માટે ક્લિક કરો આ લિંક પર