ગુજરાત વિધાનસભાની ચૂંટણી પહેલા કોંગ્રેસનું નવું માળખું જાહેર, 25 ઉપાધ્યક્ષ, 75 જનરલ સેક્રેટરી અને 19 જિલ્લા પ્રમુખની વરણી

આપને જણાવી દઈએ કે, પ્રદેશ કોંગ્રેસના પ્રભારી રઘુ શર્માએ ફેબ્રુઆરી માસમાં જણાવ્યુ હતુ કે, મહિનાના અંત સુધી સંગઠનનુ માળખુ જાહેર થઈ જશે પરંતુ હજુ સુધી સંગઠનને લઈ કોઈ નિર્ણય લેવામા આવ્યો નથી.

Last Updated: Mar 24, 2022, 11:03 PM IST

ગુજરાત વિધાનસભાની ચૂંટણી પહેલા કોંગ્રેસનું નવું માળખું જાહેર, 25 ઉપાધ્યક્ષ, 75 જનરલ સેક્રેટરી અને 19 જિલ્લા પ્રમુખની વરણી

અતુલ તિવારી/ગૌરવ પટેલ/અમદાવાદ: ગુજરાત વિધાનસભાની ચૂંટણીનો ધમધમાટ શરૂ થઈ ગયો છે, ત્યારે ગુજરાત કોંગ્રેસનું નવું માળખું કેટલાક દિવસોથી અટકાયેલું હતું, પરંતુ આજે મોડીસાંજે જાહેર કરવામાં આવ્યું છે. જેમાં 25 નેતાઓની કોંગ્રેસના પ્રદેશ ઉપાધ્યક્ષ તરીકે વરણી કરવામાં આવી છે. જ્યારે 75 નેતાઓની પ્રદેશ જનરલ સેક્રેટરી તરીકે વરણી કરાઈ છે. 19 જિલ્લાના પ્રમુખની પણ પ્રદેશ કોંગ્રેસે વરણી કરી છે. અને નિરવ બક્ષીની અમદાવાદ કોંગ્રેસ શહેર પ્રમુખ તરીકે વરણી આપવામાં આવી છે.

ઉલ્લેખનીય છે કે, રાજ્યમાં વર્ષના અંત સુધી વિધાનસભાની ચૂંટણી યોજાઈ શકે છે જેને લઈ પ્રદેશ કોંગ્રેસ સંગઠનનુ નવુ માળખુ તૈયાર કર્યું છે. અગાઉ ચર્ચા ચાલી હતી કે માર્ચ મહિનાના અંતિમ અઠવાડિયામાં કોંગ્રેસનુ માળખુ જાહેર કરાઈ શકે છે. જે અલગ અલગ 3 તબક્કામાં જાહેર કરાય તેવી શક્યતા જોવા મળી હતી. કોંગ્રેસ દ્વારા અલગ અલગ તબક્કામાં માળખુ જાહેર કરવા પાછળનુ કારણ, નેતાઓની નારાજગીને ટાળવાનુ જાણવા મળી રહ્યુ છે. આ સાથે પાર્ટીનુ શીર્ષસ્થ નેતૃત્વ એ વાતને લઈ અસમંજસની સ્થિતિમાં છે કે, પાર્ટીના નિષ્ક્રિય નેતાઓને સંગઠનમાં સમાવવા કે નહી.