ટ્વીટર પર નંબર-1 પર ટ્રેન્ડ કરી રહ્યો છે અમદાવાદ-કર્ણાવતીનો વિવાદ, #ISupportKarnavati અત્યાર સુધી 20 હજારથી વધુ ટ્વીટ

અમદાવાદઃ અમદાવાદનું નામ કર્ણાવતી કરવાને લઈને જોરદાર ચર્ચા ચાલી રહી છે. ઉત્તર પ્રદેશમાં ફૈજાબાદ જિલ્લાનું નામ અયોધ્યા કરતા ગુજરાતમાં પણ અમદાવાદનું નામ કર્ણાવતી કરવાને લઈને જુદી-જુદી પ્રતિક્રિયા મળી રહી છે. કેટલાક લોકો નામ બદલવાની તરફેણમાં છે તો ઘણા લોકો તેની વિરોધમાં પણ છે. રાજ્યના મુખ્યપ્રધાન વિજય રૂપાણી અને નાયબ મુખ્યપ્રધાન નીતિન પટેલ પણ આ અંગે નિવેદન આપી ચુક્યા છે. 

તો હવે આ નામકરણનો મુદ્દો ટ્વીટરમાં પણ પહોંચી ગયો છે. હાલમાં સોશિયલ મીડિયા પર અમદાવાદ વિરુદ્ધ કર્ણાવતીને લઈને ટ્રેન્ડીંગ ચાલી રહ્યું છે. આજે ભારતભરમાં  #ISupportKarnavati નંબર-1 પર ટ્રેન્ડ થઈ રહ્યો છે. અત્યાર સુધી તેમાં 20 હજાર કરતા વધુ ટ્વીટ થયા છે. 

અમદાવાદનું નામ કર્ણાવતી કરવાનો વિવાદ દેશભરમાં પહોંચી ગયો છે. આજે ટ્વીટર પર #ISupportKarnavati નંબર વન પર ટ્રેન્ડ થઈ રહ્યો છે. લોકો તેમાં ટ્વીટ કરીને પોતાનો મત જણાવી રહ્યાં છે. અત્યાર સુધી 20 હજાર કરતા વધુ લોકોએ ટ્વીટ કર્યાં છે.