હોટલના રૂમમાંથી મળી આવી આ અભિનેતાની ડેડ બોડી, 2 દિવસ પહેલા જ કર્યું હતું ચેકઈન

Dileep Shankar Passes Away: ફિલ્મ ઈન્ડસ્ટ્રીમાંથી એક દુઃખદ સમાચાર સામે આવ્યા છે. ઘણા શોમાં અભિનય કરનાર અભિનેતા દિલીપ શંકરનું અવસાન થયું છે. દિલીપે થોડા દિવસો પહેલા એક હોટલમાં ચેક ઇન કર્યું હતું અને હવે તે એ જ હોટલમાં મૃત હાલતમાં મળી આવ્યો હતો. રિપોર્ટ અનુસાર અભિનેતાના રૂમમાંથી દુર્ગંધ આવી રહી હતી. જે બાદ જ્યારે હોટલના સ્ટાફે દરવાજો તોડ્યો તો અભિનેતાનો મૃતદેહ જમીન પર પડ્યો હતો. આ મલયાલમ અભિનેતાના નિધનના સમાચારથી દરેક લોકોમાં શોકનો માહોલ છે.

તપાસ હાથ ધરાઈ
અભિનેતાના મોતના સમાચાર મળતાની સાથે જ પોલીસે તપાસ શરૂ કરી હતી. જો કે, પ્રારંભિક રિપોર્ટમાં કોઈ પ્રકારનું ષડયંત્ર હોવાના સંકેત મળ્યા નથી. અભિનેતાનું તિરુવનંતપુરમની એક હોટલમાં અવસાન થયું હતું. દિલીપ શંકર છેલ્લે ફેમસ સિરિયલ 'પંચાગ્નિ'માં ચંદ્રસેનનના રોલમાં જોવા મળ્યા હતા. આ શોના ડિરેક્ટરે જણાવ્યું કે, દિલીપ ગંભીર બીમારીથી પીડિત હતા. જેમની સારવાર ચાલી રહી હતી. પરંતુ આ રોગ કયો હતો તે બહાર આવ્યું નથી.

2025માં શનિ-રાહુનો અદ્ભૂત સંયોગ, આ 3 રાશિઓની લાગશે લોટરી! પુરી થશે બધી ઈચ્છાઓ

શોકમાં સેલેબ્સ
અભિનેતાના મૃત્યુના સમાચારથી ફેન્સ અને સેલેબ્સ બન્ને આઘાતમાં છે. તેમના નિધનના સમાચાર પર 'પંચાગ્નિ' કો-સ્ટારે શ્રદ્ધાંજલિ આપી. સીમાજી નાયરે સોશિયલ મીડિયા પર પોતાનું દુઃખ વ્યક્ત કરતા લખ્યું કે, 'તમે મને પાંચ દિવસ પહેલા ફોન કર્યો હતો. પણ ત્યારે હું તમારી સાથે બરાબર વાત કરી શકી ન હતી. એક ફોન આવ્યો અને મને તમારા વિશે ખબર પડી. આ સમયે હું કંઈપણ લખવા અસમર્થ છું.

સાઉથ આફ્રિકાએ પાકિસ્તાનને હરાવી WTCની ફાઇનલમાં બનાવી જગ્યા, ભારતની મુશ્કેલીઓ વધી

આ રોલથી તાળીઓ જીતી
મલયાલમ અભિનેતા દિલીપ શંકરનું નિધન ફિલ્મ ઈન્ડસ્ટ્રી માટે મોટો આઘાત છે. તે છેલ્લે સ્ક્રીન પર 'પંચાગ્નિ' શોમાં ચંદ્રસેનનની ભૂમિકામાં જોવા મળ્યો હતો. આ સાથે જ ફિલ્મ 'અમ્માયારિયાથે'માં પીટરના રોલથી લોકોના દિલ જીતી લીધા હતા. નોંધનીય છે કે, ફિલ્મ મેકર શ્યામ બેનેગલના નિધન બાદ આ મોટા અભિનેતાના મૃત્યુએ લોકોને હચમચાવી દીધા છે.