Ind Vs Aus: PM Modi ઓસ્ટ્રેલિયાના વડાપ્રધાન સાથે અમદાવાદ ટેસ્ટ જોવા આવશે, ટીમ ઈન્ડિયાની થશે કસોટી
PM Narendra Modi Cricket Match: ટીમ ઈન્ડિયાએ ઓસ્ટ્રેલિયાને માત્ર 76 રનનો ટાર્ગેટ આપ્યો હતો, જેને કાંગારૂ ટીમે સરળતાથી હાંસલ કરી લીધો હતો. ભારત શ્રેણીમાં હજુ 2-1થી આગળ છે. જો ભારત ત્રીજી ટેસ્ટ મેચ જીતે અથવા મેચ ડ્રોમાં સમાપ્ત થાય તો પણ શ્રેણી જીત તેના હિસ્સામાં આવશે.
Trending Photos
- 5
- 5
- 4
- 10
)
Team India: ભારત અને ઓસ્ટ્રેલિયા વચ્ચે બોર્ડર-ગાવસ્કર શ્રેણીની ચોથી અને છેલ્લી ટેસ્ટ મેચ અમદાવાદમાં રમાશે. 9-13 માર્ચની વચ્ચે નરેન્દ્ર મોદી સ્ટેડિયમમાં બંને ટીમો ટકરાશે. ઈન્દોર ટેસ્ટમાં ટીમ ઈન્ડિયાને કારમી હાર મળી હતી. ઓસ્ટ્રેલિયાએ ભારતને 9 વિકેટે હરાવ્યું છે. ટીમ ઈન્ડિયાએ ઓસ્ટ્રેલિયાને માત્ર 76 રનનો ટાર્ગેટ આપ્યો હતો, જેને કાંગારૂ ટીમે આસાનીથી હાંસલ કરી લીધો હતો.
ભારત શ્રેણીમાં હજુ 2-1થી આગળ છે. જો ભારત ત્રીજી ટેસ્ટ મેચ જીતે અથવા મેચ ડ્રોમાં સમાપ્ત થાય તો પણ શ્રેણી જીત તેના હિસ્સામાં આવશે. આ દરમિયાન ચોથી ટેસ્ટને લઈને એક મોટું અપડેટ આવ્યું છે. PM નરેન્દ્ર મોદી 9 માર્ચે ગુજરાતની મુલાકાતે આવશે અને નરેન્દ્ર મોદી સ્ટેડિયમમાં બેસીને ભારત અને ઓસ્ટ્રેલિયા વચ્ચેની ચોથી ટેસ્ટ નિહાળશે. આ દરમિયાન ઓસ્ટ્રેલિયાના વડાપ્રધાન એન્ટોની અલ્બેનીઝ પણ તેમની સાથે રહેશે. આખા રાજ્યમાંથી ભાજપના કાર્યકરો પણ ટેસ્ટ મેચ જોવા માટે આવશે.
ત્રીજી ટેસ્ટની વાત કરીએ તો ઈન્દોરમાં ટીમ ઈન્ડિયાએ ખૂબ જ શરમજનક પ્રદર્શન કર્યું હતું. ટીમ ઈન્ડિયાના બેટ્સમેનો ન તો પ્રથમ દાવમાં અને ન તો બીજી ઈનિંગમાં કોઈ કમાલ બતાવી શક્યા. માત્ર ચેતેશ્વર પૂજારા 59 રનની ઇનિંગ રમી શક્યો હતો. ટાર્ગેટનો પીછો કરતી વખતે ઓસ્ટ્રેલિયન ટીમને ચોક્કસપણે આંચકો લાગ્યો હતો પરંતુ જીત તેમના ખોળામાં આવી ગઈ હતી.
બેટ્સમેન ટ્રેવિસ હેડ અને લેબુશેને 78 રનની અણનમ અડધી સદીની ભાગીદારી નોંધાવી હતી. આ સાથે જ બોલર નાથન લિયોનને મેન ઓફ ધ મેચની ટ્રોફી મળી હતી. આ પહેલાં બીજા દિવસે ભારત 60.3 ઓવરમાં 163 રનમાં ઓલઆઉટ થઈ ગયું હતું અને કાંગારૂઓને જીત માટે 76 રનનો ટાર્ગેટ આપ્યો હતો. બોલર નાથન લિયોને બંને ઇનિંગ્સમાં 11 વિકેટ ઝડપી હતી.
ત્રીજા દિવસે ઓસ્ટ્રેલિયાની ઓપનિંગ જોડી ઉસ્માન ખ્વાજા અને ટ્રેવિસ હેડે ઇનિંગની શરૂઆત કરી હતી. જોકે, ખ્વાજા શૂન્ય પર અશ્વિનના બોલ પર આઉટ થઈ ગયો હતો. ત્યારપછી માર્નસ લાબુશેને ક્રિઝ પર આવીને ઈનિંગ્સને પોતાના ખભે લઈને આગળ વધારી હતી. લાબુશેને શાનદાર બેટિંગ કરતા બંને બેટ્સમેનોએ 78 રનની ભાગીદારી નોંધાવી અને ટીમને ભારત સામે 9 વિકેટે જીત અપાવી હતી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
