ગુજરાતમાં ઠંડીનો ચમકારો! અમદાવાદમાં થશે આબુ જેવો અનુભવ, જાણો કેવું રહેશે તમારા શહેરનું તાપમાન

Ambalal Patel Prediction : નવા વર્ષની શરૂઆતથી અમદાવાદ સહિત રાજ્યભરમાં ઠંડીનો ચમકરો અનુભવાઈ રહ્યો છે. ખાસ કરીને અમદાવાદ શહેરમાં વહેલી સવારથી જ ફૂલ ગુલાબી ઠંડીનો અનુભવ થઈ રહ્યો છે. અમદાવાદમાં વહેલી સવારે શીત લહેરનો લોકોને અહેસાસ થઈ રહ્યો છે. લોકોએ ઠંડીમાં વહેલી સવારે કસરત કરવાની શરૂઆત કરી દીધી છે. લોકો ગાર્ડનમાં જોગિંગ કરી દિવસની શરૂઆત કરતા જોવા મળી રહ્યાં છે. ઉલ્લેખનીય છેકે, ગઈ કાલે નલિયામાં સૌથી ઓછું 13 ડિગ્રી તાપમાન નોંધાયું હતું. જયારે અમદાવાદમાં 17 ડિગ્રી અને ગાંધીનગરમાં 15.5 ડિગ્રી તાપમાન નોંધાયું હતું. આવનારા 5 દિવસોમાં હજુ પણ તાપમાનનો પારો ગગડી શકે છે. જેને કારણે ઠંડીનો ચમકારો વધશે. અમદાવાદમાં પણ આબુ જેવો અહેસાસ થશે.

આખરે રાજ્યમાં ઠંડીની અસર વર્તાવાની શરૂઆત થઈ ગઈ છે. રાજ્યના 10 શહેરોમાં લઘુત્તમ તાપમાન 20 ડિગ્રીથી ઓછું નોંધાયું છે. 13 ડિગ્રી લઘુત્તમ તાપમાન સાથે નલિયા સૌથી ઠંડુગાર શહેર રહ્યું છે. તો ગાંધીનગર અને સુરેન્દ્રનગર 14 ડિગ્રી, રાજકોટ 14.2 ડિગ્રી, અમદાવાદ 15.6 ડિગ્રી તાપમાન નોંધાયું. આગામી દિવસોમાં ક્રમશઃ ઠંડીની અસર વધતી જશે. અમદાવાદમાં 18 નવેમ્બર બાદ વધુ ઠંડીનો અનુભવ થશે. હાલ ડીસા, ગાંધીનગર, અમદાવાદ, વડોદરા, ભૂજ, રાજકોટમાં 20 ડિગ્રીથી નીચે તાપમાનનો પારો જઈ રહ્યો છે. આ સાથે વેસ્ટર્ન ડિસ્ટર્બન્સ પસાર થતા ઠંડીની શરૂઆતની આગાહી કરવામાં આવી છે. હવે ઉત્તર-પૂર્વના ઠંડા પવનો શરૂ થઈ રહ્યા છે. જેના કારણે ઠંડક અનુભવાશે.

હવામાન નિષ્ણાતની આગાહી આવી ગઈ છે.  એક્સપર્ટના જણાવ્યા અનુસાર, વેસ્ટર્ન ડિસ્ટબર્ન્સ પસાર થતા હવે ગુજરાતમાં ઠંડીની શરૂઆત થશે. ઠંડા પવન શરૂ થતા આગામી ત્રણ દિવસ 16 ડિગ્રી સુધી તાપમાન પહોંચી જશે. વેસ્ટર્ન ડિસ્ટર્બન્સ આગળી નીકળા ગયા બાદ ઠંડા પવનો શરૂ થતા મહત્તમ અને લઘુત્તમ તાપમાનમાં બે થી ત્રણ ડિગ્રીનો ઘટાડો થવાની શક્યતા દેખાઈ રહી છે. 

ગુજરાતમાં આગામી ત્રણ દિવસમાં જ ઠંડીનો ચમકારો જોવા મળશે. આ ત્રણ દિવસ એટલે નવુ વર્ષ અને ભાઈબીજ. વેસ્ટર્ન ડિસ્ટર્બન્સ આગળ વધી જતા રવિવાર સવારથી જ ગુજરાતમાં ઠંડીનો અનુભવ શરૂ થઈ ગયો છે. વાતાવરણમાં જે બફારો હતો તે ગાયબ થઈ ગયો છે. આગામી ત્રણદિવસ વેસ્ટર્ન ડિસ્ટર્બન્સની અસરથી મહત્તમ અને લઘુત્તમ તાપમાનમાં બેથી ત્રણ ડિગ્રીનો ઘટાડો જોવા મળશે. જેને કારણે રાતના સમયથી લઈને સવાર સુધી ઠંડી અનુભવાશે. હવામાન એક્સપર્ટસ કહે છે કે, હાલમાં ઉત્તર ભારતમાંથી વેસ્ટર્ન ડિસ્ટર્બન્સ આગળ વધી ગયું છે. જેને કારણે ઉત્તર પૂર્વના ઠંડા પવનો શરૂ થવાથી અમદાવાદનો પારો ગગડ્યો છે. અમદાવાદના પારો 3 થી 4 ડિગ્રી ગગડ્યો છે. જેથી છેક ભાઈબીજ સુધી ઠંડી અનુભવાશે.

બીજી તરફ વાતાવરણમાં એક નવી મુસીબત આવી છે. હાલ ગુજરાતમાં પણ પ્રદૂષિત હવાનું પ્રમાણ દિવસે દિવસે વધી રહ્યું છે. ગુજરાતમાં સૌથી વધુ પ્રદુષિત હવા અમદાવાદમાં છે. દિવાળી પહેલા અમદાવાદની હવા પ્રદૂષિત થઈ છે. એર ક્વોલિટી ઈન્ડેક્સમાં વધારો થતા હવા દૂષિત બની છે. અમદાવાદમાં હવા પ્રદૂષણનું પ્રમાણ વધ્યું છે. દિવાળી બાદ સ્માર્ટ સીટી અમદાવાદની હવા વધુ પ્રદુષિત બની છે. વસ્ત્રાલથી બોપલ અને નારોલથી નરોડ સુધીની હવા પ્રદુષિત બની છે.
 
અમદાવાદનો AQI 164 પર પહોચ્યો છે. તો ઓવરઓલ અમદાવાદનો PM 2.5 થયો છે. વટવા જીઆઇડીસી વિસ્તાર સૌથી વધારે 171 AQI સાથે સૌથી વધારે પ્રદુષિત બની છે. કઠવાડા અને મણિનગર 169 AQI સાથે બીજા નંબર પર છે. સામાન્ય રીતે સૌથી વધારે AQI ધરાવતો પીરાણા અને ગ્યાસપુર વિસ્તારમાં 168 AQI પર પહોંચ્યો છે. અમદાવાદના તમામ વિસ્તારનો AQI 150ને પાર થયો છે.