ગુજરાત હાઇકોર્ટને મળ્યા પ્રથમ મહિલા ચીફ જસ્ટીસ, મૂળ જામનગરના સોનિયા બેન ગોકાણીની નિમણૂંક

ઝી  બ્યુરો/ગાંધીનગર: ગુજરાત હાઈકોર્ટના નવા ચીફ જસ્ટિસ સોનિયા બેન ગોકાણી બન્યા છે. તમને જણાવીએ કે સુપ્રીમ કોર્ટ કોલેજિયમે ગુરુવારે જસ્ટિસ સોનિયા જી ગોકાણીને ગુજરાત હાઈકોર્ટના ચીફ જસ્ટિસ તરીકે નિયુક્ત કરવાની ભલામણ કરી હતી. આ ભલામણ એ હકીકતને ધ્યાનમાં રાખીને કરવામાં આવી છે કે વર્તમાન મુખ્ય ન્યાયાધીશ અરવિંદ કુમારને ગયા મહિને સુપ્રીમ કોર્ટમાં બઢતી માટે ભલામણ કરવામાં આવી હતી.

બેરોજગારી બેફામ; ગુજરાતમાં ડીગ્રીવાળા મનરેગાના મજૂરો, દર પાંચમો વ્યક્તિ શ્રમિક

ગુજરાત હાઇકોર્ટના મુખ્ય ન્યાયાધીશ સોનિયાબેન ગોકાણી બન્યા છે. સોનિયાબેન ગોકાણી મૂળ જામનગરના વતની છે. ગુજરાત હાઇકોર્ટના પ્રથમ મહિલા મુખ્ય ન્યાયાધીશ બન્યાનું ગૌરવ સોનિયાબેન ગોકાણીએ હાંસલ કર્યું છે. ગુજરાત હાઇકોર્ટમાં અનેક સીમા ચિન્હ રૂપચુકાદાઓ આપીને સોનિયાબેન ગોકાણી ચર્ચામાં રહ્યા છે. સોનિયાબેન ગોકાણી 24 મી ફેબ્રુઆરી સુધી જ એટલે કે 15 દિવસ સુધી ચીફ જસ્ટિસ તરીકે સેવા આપશે. 24 મી ફેબ્રુઆરીએ વય મર્યાદાના કારણે સોનિયાબેન નિવૃત્ત થશે. 

+રોક શકો તો રોક લો! ડ્રાઇવર વગર ખેતરમાં દોડ્યું ટ્રેક્ટર;પાકનો કચ્ચરઘાણ નીકળ્યો VIDEO

કોલેજિયમનું માનવું છે કે જસ્ટિસ સોનિયા જી ગોકાણી પાસે સારા પ્રમાણપત્રો છે અને તેઓ ગુજરાત હાઈકોર્ટના મુખ્ય ન્યાયાધીશ તરીકે નિયુક્ત થવા માટે તમામ રીતે યોગ્ય છે. તેથી, કોલેજિયમ ઠરાવ કરે છે કે જસ્ટિસ સોનિયા બેન ગોકાણીની નિમણૂક કરવામાં આવશે. સુપ્રીમ કોર્ટના ન્યાયાધીશ તરીકે જસ્ટિસ અરવિંદ કુમારની બઢતી પર તરત જ ગુજરાત હાઈકોર્ટના ચીફ જસ્ટિસ તરીકે નિમણૂક કરવામાં આવી છે, એમ સુપ્રીમ કોર્ટની વેબસાઈટ પર પ્રકાશિત કોલેજિયમના ઠરાવમાં જણાવાયું છે.

થોડી તો શરમ કરો! કોઈની જિંદગી સાથે ના કરો ચેડાં, એક છોડી બીજે હાજર થયો તો કહ્યું ભૂલ

કોણ છે સોનિયા બેન ગોકાણી?
જસ્ટિસ ગોકાણી હાલમાં ગુજરાત હાઈકોર્ટના સૌથી સિનિયર જજ છે. તેમની 17 ફેબ્રુઆરી, 2011 ના રોજ ન્યાયાધીશ તરીકે નિયુક્ત કરવામાં આવી હતી અને 25 ફેબ્રુઆરી, 2023 ના રોજ પદ છોડવાના છે. જસ્ટિસ ગોકાણી ગુજરાત રાજ્યની ન્યાયિક સેવામાંથી લેવામાં આવ્યા છે. સૌથી વરિષ્ઠ ન્યાયાધીશ હોવા ઉપરાંત મુખ્ય ન્યાયાધીશ તરીકે જસ્ટિસ ગોકાણીની નિમણૂક એક ગૌરવ સમાન છે.