Gujarat Corona Update: 1161 નવા કેસ, 1270 દર્દી સ્વસ્થ થયા, 9 લોકોનાં મોત નિપજ્યાં

અમદાવાદ : રાજ્યમાં કોરોનાની સ્થિતી દિવસેને દિવસે ગંભીર થતી જાય છે. ધીરે ધીરે હવે કોરોનાનો આંકડો 1400 ને પાર પહોંચ્યો હતો. જો કે અચાનક નાટ્યાત્મક રીતે સરકારે ટેસ્ટમાં ઘટાડો કરતા હવે કોરોનાના કેસમાં પણ ઘટાડો નોંધાયો છે. સરકારે જાણે કોરોનાને કાબુમાં લેવાની અક્સીર દવા શોધી કાઢી છે. ટેસ્ટ ઘટાડો દર્દીઓની સંખ્યા આપોઆપ ઘટી જશે. આજે રાજ્યમાં 1161 નવા દર્દીઓ નોંધાયા હતા. તો બીજી તરફ રાજ્યમાં 1270 દર્દીઓ સાજા થઇને ઘરે પરત ફરી ચુક્યા છે. અત્યાર સુધીમાં કુલ 1,40,419 દર્દીઓ સાજા થઇ ચુક્યા છે. 

ગુજરાતમાં જંગલરાજ? અમદાવાદમાં માત્ર 200 રૂપિયા માટે યુવકની જાહેરમાં હત્યા

રાજ્યમાં ટેસ્ટની સંખ્યામાં પણ દિન પ્રતિદિન વધારો કરવામાં આવી રહ્યો હોવાના દાવા સરકાર કરી રહી છે. આજે રાજ્યમાં કુલ 52,746 ટેસ્ટ કરવામાં આવ્યા હતા. જે રાજ્યની વસ્તી અનુસાર પ્રતિ દિવસ 710.11 પ્રતિ મીલીયન થાય છે. રાજ્યમાં અત્યાર સુધીમાં કુલ 52,74,746 ટેસ્ટ કરવામાં આવ્યા છે. રાજ્યના વિવિધ જિલ્લાઓના 1161 કેસ નોંધાયા છે. જ્યારે 1270 દર્દીઓ સાજા થઇને ઘરે પરત ફર્યા છે. અત્યાર સુધીમાં કુલ 1,40,419 દર્દીઓ સાજા થયા છે. રાજ્યનો દર્દીઓ સાજા થવાનો દર 88.52% ટકા છે.

સરકારી નોકરીની ભરતી જોઇને લલચાશો નહી, સાયબર ક્રાઇમે કર્યો મોટા કૌભાંડનો પર્દાફાશ

રાજ્યમાં જુદા જુદા જિલ્લાઓમાં આજની તારીખે કુલ 5,49,479 વ્યક્તિઓને ક્વોરન્ટાઇન કરવામાં આવ્યા છે. જે પૈકી 5,49,199 વ્યક્તિઓને હોમ ક્વોરન્ટાઇન કરવામાં આવ્યા છે. જ્યારે 280 વ્યક્તિઓને ફેસીલીટી ક્વોરન્ટાઇન રાખવામાં આવ્યા હોવાની માહિતી પ્રાપ્ત થઇ રહી છે. અત્રે ઉલ્લેખનીય છે કે, રિકવરી રેટ 88.52 ટકા છે જે ખુબ જ સારો હોવાનું સરકાર દ્વારા જણાવવામાં આવી રહ્યા છે.

પ્રેમિકાના હાઇફાઇ શોખ પુરા કરવા માટે યુવક બન્યો ઠગ, આવી રીતે મિત્રોને જ બનાવ્યા ઉલ્લું

જો એક્ટિવ દર્દીઓની વાત કરીએ તો રાજ્યમાં હાલ 14587 એક્ટિવ કેસ છે. વેન્ટિલેટર પર 79 છે. જ્યારે 14508 લોકો સ્ટેબલ છે. 1,40,419 લોકોને ડિસ્ચાર્જ કરવામાં આવ્યા છે. અત્યાર સુધીમાં કુલ 3629 લોકોનાં મોત નિપજ્યા છે. આજે 09 લોકોનાં મોત નિપજ્યાં છે. જે પૈકી રાજકોટ કોર્પોરેશન 3, અમદાવાદ કોર્પોરેશન 2, સુરત કોર્પોરેશન 2, ગીર સોમનાથ 1 અને વડોદરા કોર્પોરેશનના 1નો  સમાવેશ થાય છે. આ રીતે ગુજરાતમાં કોરોનાને કારણે 09 લોકોનાં મોત નિપજ્યાં છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube