વડોદરા: GSP કંપનીમાં વિસ્ફોટ બાદ આગ ફાટી નિકળી, 4ના મોત

વડોદરા: નંદેસરી જીઆઈડીસીમાં આવેલી જીએસપી કંપનીમાં ભીષણ આગ લાગતા 4 કર્મચારીઓના મોત નિપજ્યા હોવાના અહેવાલ છે. અગાઉ  કર્મચારીઓ ગુમ થયા હોવાના અહેવાલો હતાં. જેમાંથી 4 કર્મચારીઓના મોતની પુષ્ટિ થઈ છે. આ ઉપરાંત 3 કર્મચારીઓ ઘાયલ થયા છે જેમને નજીકની હોસ્પિટલમાં સારવાર અર્થે દાખલ કરાયા છે.

મળતી માહિતી મુજબ મૃતકોના નામ ભૂપેન્દ્ર રોહિત, હિતેશ વડોદરીયા અને યશવંત હોવાનું જણાવાયું છે. ઘટનાની માહિતી મળતા જ ફાયરની ગાડીઓ ઘટનાસ્થળે પહોંચી ગઈ હતી અને આગને કાબુમાં લેવાના પ્રયત્નો કર્યા હતાં. માહિતી મુજબ કંપનીના એજીટેટેડ લુપ્રીકેટ ફિલ્ટર પ્લાન્ટમાં વહેલી સવારે વિસ્ફોટ થયો હતો. 

ભીષણ આગના કારણે કંપનીની આજુબાજુના પ્લાન્ટને પણ અસર થઈ હોવાનું કહેવાય છે.