દિલ માંગે મોર નહીં, બિલ માંગે મોર! ખરીદીના બિલ ભેગા કર્યા હશે તો બની જશો કરોડપતિ

નિલેશ જોશી/વાપી: જો આપ ₹200 થી વધુ ની ખરીદી કરી રહ્યા હોય તો ખરીદીનું બિલ લેવાનું ચૂકતા નહીં, કારણ કે ક્યાંક આપને આ બિલ 1 કરોડ રૂપિયાની લોટરી લગાવી શકે છે. જી હા..રાજ્યના કર વિભાગ દ્વારા આજથી જ રાજ્યમાં મેરા બીલ મેરા અધિકાર યોજનાનું લોન્ચિંગ થયું છે. રાજ્યના નાણામંત્રી કનુભાઈ દેસાઈએ વાપીના વિશાલ મેગા મોલથી આ યોજનાની શરૂઆત કરાવી છે. 

રાજકોટ એમ્સના પ્રમુખ પદેથી ડૉ. કથીરિયાનું રાજીનામું; 7 દિવસમાં જ કેમ થયો મોહભંગ?

દેશના પાંચ રાજ્યોમાં પાયલોટ પ્રોજેક્ટ તરીકે આ યોજના શરૂ થઈ રહી છે. ત્યારે ખરીદી કરતી વખતે ગ્રાહકો બિલ લેવા પ્રેરાય અને ટેક્સ લીકેજ બંધ થાય તેવા હેતુ સાથે સરકારે શરૂ કરેલી આ મેરા બિલ મેરા અધિકાર યોજનાનો લાભ લેવા ગ્રાહકે આ યોજનાનું એપ ડાઉન લોડ કરી અને એ એપમાં ખરીદીના બિલ અપલોડ કરવા પડશે. ત્યારબાદ આ યોજના અંતર્ગત દર ત્રણ મહિને ડ્રો થશે. જેમાં ત્રણ મહિને થનાર ડ્રોમાં બે ગ્રાહકોને એક એક કરોડનું ઇનામ આપવામાં આવશે. સાથે જ રૂપિયા 10 લાખ થી લઇ 10 હજાર સુધીના પણ ઇનામોની સરકાર આ યોજનામાં ગ્રાહકો ના પ્રોત્સાહન માટે રાખ્યા છે. 

ગુજરાતના શિક્ષકો માટે મહત્વના સમાચાર; પ્રાથમિક શાળામા વધ-ઘટ બદલી કેમ્પની તારીખ જાહેર

આજે વાપીમાં નાણામંત્રીએ શરૂ કરાવેલી આ યોજનાના આરંભ વખતે રાજ્યના વેરા વિભાગના ઉચ્ચ અધિકારીઓ, ઉદ્યોગપતિઓ સાથે મોટી સંખ્યામાં સ્થાનિક લોકો પણ ઉપસ્થિત રહ્યા હતા. આ યોજનાથી સરકારને આવકમાં વધારો થશે તેવું મનાઈ રહ્યું છે. આજે આ યોજનાના આરંભ વખતે રાજ્યના નાણામંત્રી કનુભાઈ દેસાઈએ પણ ₹200 થી વધુની ખરીદી કરી હતી અને તેનું બિલ લઈ આ યોજનાના એપમાં અપલોડ કરી યોજનાનો લાભ લેવા નોંધણી કરાવી હતી. 

ભારતમાં 'એક દેશ-એક ચૂંટણી' થાય તો થશે કેટલા પૈસાની બચત? જાણો સંપૂર્ણ ગણિત

આ યોજના ને કારણે હવે લોકો ખરીદી કરતી વખતે બિલ લેવા પ્રેરાશે. આજે આ યોજનાના લોન્ચિંગ પ્રસંગે રાજ્યના નાણામંત્રી કનુભાઈ દેસાઈએ સરકાર દ્વારા શરૂ કરવામાં આવેલી આ મહત્વકાંક્ષી યોજનાના લાભ વિશે જણાવ્યું હતું અને ગ્રાહકોને કઈ રીતે પ્રોત્સાહન મળશે તે અંગે પણ વાત કરી હતી. 

ગુજરાતમાં ફરી મેઘો બોલાવશે ધબધબાટી! આ તારીખથી મેઘરાજા ફરીથી તોફાની બેટિંગ