દોસ્ત દોસ્ત ના રહા! વટવા GIDC હત્યાનો ભેદ ઉકેલાયો, માળીયામાં છુપાયેલા આરોપી આ રીતે ઝડપાયો

ઉદય રંજન/અમદાવાદ: વટવા જીઆઇડીસીમાં ગઈકાલે થયેલી હત્યાનો ભેદ પોલીસે ઉકેલી કાઢ્યો છે. જીઆઇડીસી વિસ્તારમાં વહેલી સવારે એક હત્યા કરેલો મૃતદેહ મળી આવ્યો હતો. સમગ્ર મામલે પોલીસે તપાસ કરતા હત્યાની ઘટનાના સીસીટીવી પણ સામે આવ્યા હતા. સીટીવીના આધારે પોલીસે હત્યારાની શોધખોળ હાથ ધરી તેને પકડી પાડ્યો છે. હત્યારાની પૂછપરછ કરતા એક સામાન્ય બોલાચાલી બાદ મિત્રએ જ મિત્રની હત્યા કરી હોવાનું સામે આવ્યું છે.

ફરી એકવાર છવાશે ગુજરાતમાં કાળા ડિબાંગ વાદળો; અનેક ભાગોમાં થશે વરસાદ, જાણો ઘાતક આગાહી

અમદાવાદમાં ફરી એક વખત મિત્રતાને શર્મસાર કરતી ઘટના સામે આવી છે. શહેરના પૂર્વમાં વટવા જીઆઇડીસી વિસ્તારમાં વટવા બ્રિજના છેડે પરમેશ્વર એસ્ટેટમાં હત્યા થયેલી હાલતમાં એક વ્યક્તિનો મૃતદેહ મળી આવ્યો હતો. પોલીસને પ્રાથમિક દ્રષ્ટિએ આ યુવકની હત્યા થઈ હોવાનું સામે આવતા તેણે શોધખોળ હાથ ધરી હતી અને આસપાસના સીસીટીવીની મદદથી પણ સમગ્ર ઘટનાની તપાસ શરૂ કરી હતી. 

ગરબા આયોજકો માટે આરોગ્ય વિભાગની ગાઈડલાઈન : આ સૂચનાઓનું ફરજિયાત પાલન કરવુ પડશે

જોકે જે જગ્યાએ આ હત્યાનો બનાવ બન્યો ત્યાં સીસીટીવી હોવાથી પોલીસે સીસીટીવી માં તપાસતા સમગ્ર હકીકત સામે આવી હતી અને હત્યા થયેલો વ્યક્તિ વટવા જીઆઇડીસી ખાતે આવેલા ચાર માળિયામાં રહેતો મુકેશ ઠાકોર હોવાનું સામે આવ્યું હતું. મૃતક મુકેશ ઠાકોરના ઘરે પોલીસ દ્વારા તપાસ કરતા સામે આવ્યું કે જે સીસીટીવી માં અન્ય વ્યક્તિ એટલે કે હત્યારો દેખાય છે તે નીતિશ પ્રસાદ હતો, જેના આધારે પોલીસે હત્યારા નીતિશ પ્રસાદની ધરપકડ કરી છે.

હાથમાં બંદૂક લઈને આ બે ગુજરાતણો નીકળી પડી ઈઝરાયેલ માટે યુદ્ધ લડવા, નામ રોશન કર્યું

પોલીસ દ્વારા સીસીટીવીમાં દેખાતા હત્યારા નીતિશ પ્રસાદના ઘરે તપાસ કરવા પહોંચી હતી ત્યારે હત્યા વપરાયેલું મોટરસાયકલ ત્યાં મળી આવ્યું હતું પરંતુ પોલીસે ઘરમાં તપાસ કરતા નીતિશ પ્રસાદ મળ્યો ન હતો. પોલીસ દ્વારા નીતિશ પ્રસાદના ઘરના સભ્યોની પૂછપરછ કરતા તેઓને પણ નીતિશ અંગે કોઈ પણ જાણ નહીં હોવાનું જણાવવામાં આવ્યું હતું. જોકે પોલીસે ઘરના સભ્યોની કડકાઈથી પૂછપરછ કરતા નીતીશ તેના જ ઘરના માળિયામાં છુપાઈને બેઠો હોવાનું હકીકત સામે આવી હતી. જેને આધારે પોલીસે આરોપી નીતિશ પ્રસાદની ધરપકડ કરી કાયદેસરની કાર્યવાહી હાથ ધરી હતી.

મોરબી દુર્ઘટનામાં SIT રિપોર્ટમાં મોટો ખુલાસો : હોનારત માટે જયસુખ જવાબદાર

હાલ તો પોલીસે સીસીટીવીના આધારે મૃતક અને હત્યારાની ઓળખ કરી સમગ્ર કેસનો ભેદ ઉકેલ લીધો છે. પોલીસ દ્વારા હત્યારા નીતિશની પૂછપરછ કરતા સામે આવ્યું કે મૃતક મુકેશ અને આરોપી નિતેશ બંને મિત્રો છે અને ગતરાત્રિના તેઓ વાતો કરતા કરતા એક જ બાઈક ઉપર ફરતા હતા. બંને વચ્ચે વાતો દરમિયાન બોલાચાલી થઈ હતી. 

ઝુનઝુનવાલાના ગુરુના આ શેરમાં રોકાયેલા છે રૂપિયા, કયા શેર પર કરે છે સૌથી વધુ વિશ્વાસ?

મૃતક મુકેશ દ્વારા નિતેશના સગા સંબંધીઓને ગાળો આપવામાં આવતા નીતિશ અને મુકેશ વચ્ચે બોલાચાલી થઈ હતી. બાદમાં ઝપાઝપી થતા નીતિશ દ્વારા તેમની પાસે રહેલી છરી મુકેશને મારી હત્યા કરી હતી અને મોટરસાયકલ લઈને નીતીશ નાસી છૂટ્યો હતો. પોલીસની પ્રાથમિક તપાસમાં એ પણ સામે આવ્યું છે કે આરોપી નીતિશ વિરુદ્ધ અગાઉ પણ મારામારીનો એક ગુનો નોંધાય ચૂક્યો છે. હાલ તો વટવા જીઆઇડીસી પોલીસે હત્યારા નીતિશની ધરપકડ કરી આગળની કાર્યવાહી હાથ ધરી છે.