કળિયુગી જનેતાની એવી તો શું મજબૂરી હશે કે, નવ મહિના પેટમાં રાખી જન્મતા જ બાળકને તરછોડી દીધું!
માં પોતાના બાળકો માટે કઈ પણ કરી શકે છે. પરંતુ, હાલમાં બનેલી ઘટના સાંભળી તમે પણ ચોકી જશો. આ ઘટના જામનગર જિલ્લામાં બની હતી. ત્યારે લોકમુખે ચર્ચાઈ રહ્યું છે કે એવી તો શું મજબૂરી હશે કે, નવ મહિના સુધી પોતાના પેટમાં રાખી અને જનમ્યા બાદ તરત જ છોડીને ચાલી ગઈ હતી.
Trending Photos
- 9
- 5
- 12
- 5
)
મુસ્તાક દલ/જામનગર: ફરી એકવખત નવજાત બાળક મળી આવવાની ઘટના સામે આવી છે.. શરૂ સેક્શન રોડ પર જાળી જાખરમાં એક નવજાત બાળક રડતું હોવાનું સ્થાનિક લોકોના ધ્યાને આવતા બાળકને હોસ્પિટલમાં ખસેડવામાં આવ્યું હતું.
જામનગરમાં અનેકવાર નવજાત બાળકો મળી આવવાના બનાવો બનતા હોય છે, ત્યારે આજે ફરી એક વખત આવો બનાવ સામે આવ્યો છે. જામનગર શહેરના શરૂ સેક્શન રોડ પર મિલન હોટલ પાસે કોમન પ્લોટમાં જાડી જાખરામાંથી એક નવજાત બાળક મળી આવતા અરેરાટી ફેલાય છે.
સ્થાનિક લોકોએ નવજાત બાળકના રડવાનો અવાજ સાંભળતા તાત્કાલિક પોલીસને જાણ કરી હતી અને 108 એમ્બ્યુલન્સની ટીમની મદદથી જીજી હોસ્પિટલ ખાતે બાળકને સારવાર અર્થે ખસેડવામાં આવ્યું. જીજી હોસ્પિટલના નવજાત બાળકોના વોર્ડમાં બાળકની સારવાર ચાલી રહી છે અને નવજાત બાળકની તબિયત હાલ સ્થિર હોવાનું જાણવા મળી રહ્યું છે.
જ્યારે જામનગરમાં સામાજિક કાર્યકર્તા મહિલાઓ સહિતના લોકો આ સમગ્ર ઘટનાને ભારે વખોડી રહ્યા છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
