સાધુઓ સાથે સલમાને ઝુમીઝુમીને કર્યો ડાન્સ, VIDEO થયો વાઇરલ

નવી દિલ્હી : મધ્ય પ્રદેશના ખરગોનના ધાર્મિક સ્થળ મહેશ્વરમાં હાલમાં દબંગ 3નું શૂટિંગ ચાલી રહ્યું છે. આ ફિલ્મના સેટ પરથી સલમાનની તસવીરો મીડિયામાં આવી રહી છે. આ શૂટિંગ દરમિયાન શૂટ થયેલો એક વીડિયો સોશિયલ મીડિયામાં વાઇરલ થયો છે જેમાં સલમાન કેટલાક સાધુઓ સાથે ડાન્સ કરતો નજરે ચડે છે. આ વીડિયો સોશિયલ મીડિયામાં બહુ ઝડપથી વાઇરલ થઈ રહ્યો છે. 

Shooting for #dabangg3 song.. at  The Narmada ghat of #Maheswar Ahilya fort. pic.twitter.com/6fMMXlsXTW

— Shardul Rathore (@shardulrathor1) 4 April 2019

દબંગ 3માં એક ગીત છે જેમાં સલમાન નર્મદા ઘાટના પાણીની બહાર ઉભો છે અને સાધુ પાણીની અંદર છે. આ વીડિયો મહેશ્વરના અહલ્યા ફોર્ટનો છે. મધ્ય પ્રદેશના મહેશ્વરમાં 5 એપ્રિલે આ ફિલ્મનું શૂટિંગ શરૂ થયું હતું અને એ 13 દિવસ સુધી ચાલવાનું છે. અહીં શૂટિંગ દરમિયાન સલમાનના ચાહકોની મોટી ભીડ લાગે છે. 

હાલ મહેશ્વરમાં સલમાન ખાનની ફિલ્મ દબંગ-3નું શુટિંગ ચાલી રહ્યું છે. આ દરમિયાન બુધવારે સોશિયલ મીડિયા પર એક તસવીર અને વીડિયો વાઈરલ થયો. જેમાં શિવલિંગને ટેબલથી ઢાંકી દેવામાં આવ્યું છે. આ તસવીરો વાઈરલ થયા બાદ બપોરે ટેબલ હટાવી દેવામાં આવ્યું અને સાંજે તો સલમાન ખાને સમગ્ર મામલે સ્પષ્ટીકરણ કરવું પડ્યું. બુધવારે સાંજે સલમાન ખાને પોતે સામે આવીને આ મામલે સ્પષ્ટીકરણ આપ્યુ અને કહ્યું કે શિવલિંગની સુરક્ષા માટે ઢાંકવામાં આવ્યું હતું. હું પોતે મોટો શિવભક્ત છું. તમે જો શુટિંગ કરવા દેવા ન માંગતા હોવ તો તરત પેકઅપ કરીને જતો રહીશ. 

બોલિવૂડના સમાચાર જાણવા માટે કરો ક્લિક...