Murder Mubarak: સસ્પેંસ ફિલ્મો જોવાના શોખીન રહે તૈયાર, OTT પર આવી રહી છે મર્ડર મુબારક ફિલ્મ, જુઓ દમદાર ટીઝર

Murder Mubarak: જો તમને પણ સસ્પેન્સ ફિલ્મો જોવી ગમે છે તો તમારા માટે ટૂંક સમયમાં જ એક દમદાર ફિલ્મ આવી રહી છે જેનું પહેલું ટીઝર આજે રિલીઝ કરવામાં આવ્યું છે. સસ્પેન્સ, થ્રીલર અને કોમેડી ડ્રામા મુવી મર્ડર મુબારકની પહેલી ઝલક સોશિયલ મીડિયા પર રિવીલ કરવામાં આવી છે. મર્ડર મુબારક ફિલ્મની પહેલી ઝલકમાં પંકજ ત્રિપાઠી ફિલ્મના અન્ય પાત્રો સાથે દર્શકોની મુલાકાત કરાવે છે. આ ફિલ્મમાં એક ક્રાઈમ થયું છે અને તેની શંકા સાત લોકો પર છે. આ સાત લોકો કયા કયા છે તે ફિલ્મના ટીઝરમાં જોવા મળે છે. 

આ પણ વાંચો: મોતની ખોટી અફવા ફેલાવવા મામલે પૂનમ પાંડે અને તેના મેનેજર વિરુદ્ધ FIR દાખલ

જણાવી દઈએ કે મર્ડર મુબારક ફિલ્મ એક મલ્ટી સ્ટારર ફિલ્મ છે જે સિનેમા ઘરોમાં નહીં પરંતુ ઓટીટી પ્લેટફોર્મ નેટફ્લિક્સ પર રિલીઝ થવાની છે. મર્ડર મુબારક ફિલ્મનું ટીઝર મેકર્સ દ્વારા રિલીઝ કરવામાં આવ્યું છે અને સાથે જ ફિલ્મની રિલીઝ ડેટ પણ જણાવવામાં આવી છે. મર્ડર મુબારક ફિલ્મમાં પંકજ ત્રિપાઠી ફિલ્મના દરેક પાત્રનું ઇન્ટ્રોડક્શન આપે છે. આ ફિલ્મમાં પંકજ ત્રિપાઠી સાથે સારા અલી ખાન, કરિશ્મા કપૂર, ડિમ્પલ કપાડિયા, વિજય વર્મા સુહેલ લૈયર અને સંજય કપૂર જોવા મળશે. 

આ પણ વાંચો: Black Movie: 19 વર્ષ પછી આ ઓટીટી પર રિલીઝ થઈ અમિતાભ બચ્ચન-રાની મુખર્જીની ફિલ્મ બ્લેક

સસ્પેન્સ થ્રીલરથી ભરપૂર મર્ડર મુબારક ફિલ્મ 15 માર્ચ થી ઓટીટી પ્લેટફોર્મ નેટફ્લિક્સ પર સ્ટ્રીમ થશે. મર્ડર મુબારક ફિલ્મમાં પંકજ ત્રિપાઠી એક પોલીસ ઓફિસરની ભૂમિકામાં હશે આ પોલીસ ઓફિસર અલગ મિજાજનો છે. ફિલ્મમાં એક ક્રાઈમ થયું છે અને તેના સાત સસ્પેક્ટ છે. આ મર્ડર મિસ્ટ્રીની આસપાસ ફિલ્મ ફરે છે. 

મર્ડર મુબારક ફિલ્મની સ્ટોરી, સ્ક્રિપ્ટ તેમજ ડાયલોગ સુપ્રોતિમ સેનગુપ્તા અને ગજલ ધાલીવાલે લખ્યા છે. આ ફિલ્મનું ડાયરેક્શન હોમી અદાજાનિયાએ કર્યું છે અને ફિલ્મને દિનેશ વિજાને પ્રોડ્યુસ કરી છે.