ઋૃષિ કપૂરને મળવા ન્યૂયોર્ક પહોંચ્યા મુકેશ અને નીતા અંબાણી, એક્ટરે કહ્યું- આભાર

નવી દિલ્હીઃ રિલાયન્સ ઇન્ડસ્ટ્રીઝના માલિક મુકેશ અંબાણી અને તેમના પત્ની નીતા અંબાણી અભિનેતા ઋૃષિ કપૂરના અંતર ખબર પૂછવા માટે ન્યૂયોર્ક પહોંચ્યા હતા. ઋૃષિ 2018થી એક હોસ્પિટલમાં પોતાની સારવાર કરાવી રહ્યાં છે. મુકેશ અને નીતાએ અહીં તેમના પરિવારના લોકો સાથે પણ મુલાકાત કરી હતી. ઋૃષિએ ટ્વીટર પર બે તસ્વીરો પોસ્ટ કરતા લખ્યું કે, અમને મળવા માટે મુકેશ અને નીતાનો આભાર. અમે પણ તમને પ્રેમ કરીએ છીએ. આ કેપ્શનવાળી તસ્વીરમાં ઋૃષિ કપૂર અને તેમની પત્ની નીતૂને અંબાણી પરિવારના લોકોની સાથે હસ્તા જોઈ શકાય છે. 

ઋૃષિ કપૂરે વધુ એક તસ્વીર પોસ્ટ કરી, જેમાં ઋૃષિ અને મુકેશ એકબીજાના ખભા પર હાથ રાખીને હસી રહ્યાં છે. ઋૃષિએ આ તસ્વીરના કેપ્શનમાં લખ્યું, તમારા બધાના પ્રેમ માટે આભાર. નીતૂએ પણ પોતાના ઇન્સ્ટાગ્રામ પર તસ્વીરો શેર કરતા લખ્યું કે કેટલાક લોકો માત્ર તમને આશ્વાશન અને માનસિક શાંતિ આપવા માટે આવે છે! તમામ સમર્થન માટે મિસ્ટર અને મિસેઝ અંબાણીનો આભાર. 

Thank you for seeing us Mukesh and Neeta. We also love you. pic.twitter.com/bYzi5Bt9N5

— Rishi Kapoor (@chintskap) May 19, 2019

શાહરૂખ ખાન, આમિર ખાન, પ્રિયંકા ચોપડા જોનસ, દીપિકા પાદુકોણ અને અનુપમ ખેર જેવા બોલીવુડના દિગ્ગજ પણ ઋૃષિ કપૂરનો હાલ-ચાલ જાણવા માટે અહીં પહોંચ્યા હતા. ગત મહિને ઋૃષિના ભાઈ રણઘીર કપૂરે કહ્યું હતું કે 66 વર્ષીય અભિનેતા થોડા મહિનામાં ભારત પરત આવી જશે.