Mithun સાથે રોમાન્સ કરી ચૂકી છે ‘અનુપમા’ ની Rupali, હવે તેની જ વહુની બની ગઈ છે ‘સૌતન’
રૂપાલી ગાંગુલી આજે ઘર-ઘરમાં પોતાની ખાસ ઓળખ બનાવી ચૂકી છે. જોકે, ઓછા લોકો જાણે છે કે, ટીવીની દુનિયામાં આવતા પહેલા રૂપાલી ગાંગુલી પહેલા બોલીવુડમાં હાથ અજમાવી ચૂકી છે.
Trending Photos
- 5
- 5
- 9
- 5
)
નવી દિલ્લીઃ રૂપાલી ગાંગુલી આજે ઘર-ઘરમાં પોતાની ખાસ ઓળખ બનાવી ચૂકી છે. જોકે, ઓછા લોકો જાણે છે કે, ટીવીની દુનિયામાં આવતા પહેલા રૂપાલી ગાંગુલી પહેલા બોલીવુડમાં હાથ અજમાવી ચૂકી છે. નાના પડદાની ખ્યાતનામ એક્ટ્રેસ રૂપાલી ગાંગુલી (Rupali Ganguly) છેલ્લા કેટલાક સમયથી ‘અનુપમા’ (Tv Show Anupamaa)નાં રૂપમાં ઘર-ઘરમાં ઓળખાવવા લાગી છે. આ શો શરૂઆતથી જ TRPની લિસ્ટમાં ટોપ પર છે. આમ તો શોનાં બધા જ કિરદાર પોતાની રીતે ખાસ છે. પરંતુ ‘અનુપમા’નાં રોલમાં આવેલી રૂપાલી ગાંગુલીએ બધાનું દિલ જીતી લીધુ છે.
બોલીવુડમાં હાથ અજમાવી ચૂકી છે રૂપાલી:
ઓછા લોકો જાણે છે કે, રૂપાલી બાળપણથી જ અભિનયની દુનિયામાં ખૂબ એક્ટિવ છે. જોકે, તેમને આવી લોકપ્રિયતા લાંબી રાહ જોયા બાદ કડક મહેનતનાં અંતે મળી છે. તેણે 7 વર્ષના લાંબા બ્રેક બાદ આ ટીવી શોથી અભિનયની દુનિયામાં કમબેક કર્યુ અને તમામ લોકોના દિલ પર છવાઈ ગઈ. આ પહેલા પણ રૂપાલી ઘણા ટીવી શોમાં આવી ચૂકી છે. તમને જણાવી દઈએ કે, ટીવી સીરિયલમાં આવતા પહેલા રૂપાલી ગાંગુલી બોલીવુડમાં હાથ અજમાવી ચૂકી છે.
આ ફિલ્મમાં મિથુન ચક્રવર્તી સંગ દેખાઈ હતી રૂપાલી ગાંગુલી:
રૂપાલીએ ચાઈલ્ડ એક્ટ્રેસ તરીકે દિગ્ગજ અભિનેતા મિથુન ચક્રવર્તીની એક ફિલ્મમાં કામ કર્યુ છે. રૂપાલી તે સમયે માત્ર 4 વર્ષની હતી. આ સિવાય બીજી એક ફિલ્મમાં તે મિથુનની સાથે રોમાન્સ કરતી પણ નજરે પડે છે. 1996માં રિલીઝ થયેલી ફિલ્મ ‘અંગારા’માં મિથુનની સાથે રૂપાલીએ લીડ એક્ટ્રેસ તરીકે કામ કર્યુ હતું. આ ફિલ્મમાં બંનેએ ચોર તરીકેની ભૂમિકા ભજવી હતી.
મિથુન સાથે જોવા મળી હતી શાનદાર કેમેસ્ટ્રી:
ફિલ્મમાં રૂપાલી અને મિથુનની શાનદાર કેમેસ્ટ્રી જોવા મળી હતી. જોકે, આ ફિલ્મમાં કદાચ જ કોઈનું ધ્યાન રૂપાલી પર પડ્યુ હશે. કારણકે, તે સમયે રૂપાલી ઈન્ડસ્ટ્રીમાં પોતાના પગ જમાવવાનો પ્રયાસ કરી રહી હતી. આ ફિલ્મનું નિર્દેશન રૂપાલીના પિતા અનિલ ગાંગુલી (Anil Ganguly)એ કર્યુ હતું. આ સિવાય ફિલ્મની પટકથા પણ અનિલ ગાંગુલીએ લખી હતી.
મિથુન ચક્રવર્તીની વહુ સાથે કરી રહી છે કામ:
રૂપાલી ગાંગુલી હાલ ટીવી સીરિયલ ‘અનુપમા’માં મિથુન ચક્રવર્તીની વહુ મદાલસા શર્મા (Madalsa Sharma) સાથે કામ કરી રહી છે. આ શોમાં મદાલસા, અનુપમાના પતિ વનરાજ શાહ (સુધાંશુ પાંડે)ની ગર્લફ્રેન્ડનો કિરદાર નિભાવી રહી છે. એવામાં અનુપમાએ જાતે જ વનરાજ અને કાવ્યાના લગ્ન પણ કરાવી દીધા છે. જેથી શોમાં મદાલસા, અનુપમા ઉર્ફે રૂપાલીની સૌતન બની ગઈ છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
