રુંવાડા ઉભા કરી દેશે કંગનાની ‘મણિકર્ણિકા’નું ટીઝર, ઝાંસીની રાણીના રૂપમાં લાગી શાનદાર

નવી દિલ્હી : બોલિવુડ એક્ટ્રેસ કંગના રનૌતની સૌથી ચર્ચિત ફિલ્મ ‘મણિકર્ણિકા - ધ ક્વીન ઓફ ઝાંસી’ની ચર્ચા સતત વધી રહી છે. કંગનાના સુંદર લૂકથી લીને ફિલ્મની સ્ટારકાસ્ટ સુધી અનેક કિસ્સા સામે આવ્યા હતા. ત્યારે હવે મંગળવારે આ ફિલ્મનું ટીઝર લોન્ચ થઈ ગયું છે. મણિકર્ણિકાનું ટીઝર લોન્ચ થતા જ ઈન્ટરનેટ પર છવાઈ ગયું છે. 2 મિનીટના આ ટીઝરમાં કંગનાનો એવો રૂપ દેખાય છે, જેની તમે કલ્પના પણ કરી નથી શક્તા. કેમ કે, આ વખતે કંગના રોમેન્ટિક ફિલ્મોથી હટીને એક્સપરિમેન્ટલ ફિલ્મોમાં દેખાઈ રહી છે, જે લોકોને ગમ્યું છે. 

ઝાંસીની રાણી બની કંગના
‘મણિકર્ણિકા - ધ ક્વીન ઓફ ઝાંસી’ની કહાની ભારતની આઝાદીની લડાઈની કહાની છે, જે 1857માં લડાઈ હતી. રાણી લક્ષ્મીબાઈનું દમદાર પાત્ર કંગનાએ ભજવ્યું છે. આ ફિલ્મનું નિર્દેશન રાધા કૃષ્ણ જગરલૂમડીએ કર્યું છે. ફિલ્મ નિર્માતાઓના અનુસાર, આ ફિલ્મની ટીઝરના રિલીઝ માટે ગાંધી જયંતીનો દિવસ પસંદ કરાયો હતો. દેશની આઝાદી માટે લડી રહેલા યોદ્ધાઓને ટ્રિબ્યુટ આપવા માટે આનાથી બીજો ઉત્તમ દિવસ કોઈ હોઈ ન શકે. આ જ કારણે આજે 2 ઓક્ટોબરે ટીઝર રિલીઝ કરાયું છે. 

હાલમાં જ, સ્ટુડિયોના સીઈઓ શારીકે કહ્યું કે, ‘મણિકર્ણિકા’ દેશની એ રાણીની દાસ્તાન છે, જેની સફર બહુ જ અસાધારણ રહી હતી. દેશને આઝાદી અપાવવાની રાહ પર નીકળી પડેલી રાણી લક્ષ્મીબાઈના ત્યાગ અને સમર્પણની આ કહાની છે. ગાંધી જયંતીના અવસર પર આ ટીઝર રિલીઝ કરવું અમારા સૌભાગ્યની વાત છે. ફિલ્મ ‘મણિકર્ણિકા ધ ક્વીન ઓફ ઝાંસી’ 25 જાન્યુઆરીના રોજ મલ્ટિપ્લેક્સિસમાં રિલીઝ થશે. જેને કમલ જૈન અને ઝી સ્ટુડિયોએ પ્રોડ્યુસ કરી છે.