કૃષ્ણની ભૂમિકામાં કયા કલાકાર તમને સૌથી વધુ પસંદ છે? તમને હંમેશા યાદ રહેશે આ ઓન સ્ક્રીન કૃષ્ણ

ફાલ્ગુની લાખાણી, અમદાવાદઃ ટીવી સિરિયલ કે ફિલ્મોમાં કૃષ્ણની ભૂમિકા ભજવનારા ઘણાં કલાકારો છે. જોકે, કૃષ્ણની ભૂમિકાની જ્યારે વાત આવે ત્યારે સૌથી પહેલાં નજરોની સામે જે ચહેરો આવે છે એ છે બી.આર.ચોપડાની મહાભારત સિરિયલમાં કૃષ્ણની ભૂમિકા ભજવનારા નીતિશ ભારદ્વાજની. જેમણે મહાભારતમાં પોતાના અદભુત અભિનયથી સ્ક્રિન પર કૃષ્ણના પાત્રને એકદમ વાસ્તવિક અને જીવંત બનાવી દીધું. જોકે, એ સિવાય પણ ઘણાં અભિનેતાઓ છે જેમણે સ્ક્રિન પર ભગવાન શ્રી કૃષ્ણની ભૂમિકાઓ ભજવી છે. ત્યારે એક નજર કરીએ તમારા લાડલા ઓન સ્ક્રીન કૃષ્ણા પર...

1. નીતિશ ભારદ્વાજ-
1998માં આવેસી બી. આર. ચોપરાની મહાભારતમાં નીતીશ ભારદ્વાજ કૃષ્ણના રોલમાં જોવા મળ્યા અને છવાઈ ગયા. લોકોના મનમાં ભગવાન કૃષ્ણ તરીકે તેમની જ છબિ રહી ગઈ હતી. આજે પણ લોકો તેને ભગવાન કૃષ્ણ તરીકે જ ઓળખે છે.

2. સ્વપ્નિલ જોશી-
જાણીતા મરાઠી કલાકર સ્વપ્નિલ જોશીએ તેમની તરૂણાવસ્થામાં રામાનંદ સાગરની કૃષ્ણામાં ભગવાન કૃષ્ણનો કિશોરાવસ્થાનો રોલ કર્યો. અને હિટ થઈ ગયા. તરૂણાવસ્થાના કૃષ્ણ તરીકે તેમને ખૂબ જ પસંદ કરવામાં આવ્યા હતા.

3. સર્વદમન બેનર્જી-
ભાવવાહી આંખો વાળા અને સસ્મિત ચહેરા વાળા સર્વદમન બેનર્જીને કોણ ભૂલી શકે. રામાનંદ સાગરની કૃષ્ણામાં ભગવાન કૃષ્ણનો રોલ કરનાર તેમને દર્શકો આજે પણ યાદ કરે છે.

4. સૌરભ રાજ જૈન-
તાજેતરના શ્રી કૃષ્ણની વાત કરીએ તો યાદ આવે સૌરભ રાજ જૈન. જેમણે 2013ના નવા મહાભારતમાં કૃષ્ણની ભૂમિકા નિભાવી હતી. જેમને ખૂબ જ પસંદ કરવામાં આવ્યા હતા.

5. ધૃતિ ભાટિયા-
ટીવીની દુનિયાની ગોળમટોળ અને ક્યુટ કાન્હા એટલે ધૃતિ ભાટિયા. ધૃતિએ નાના ક્રિષ્નાનો રોલ કરીને સૌના દિલ જીતી લીધઆ હતા.

6. સુમેધ મુદ્ગલકર-
2018માં આવેલી શ્રી કૃષ્ણ સીરિયલમાં સુમેધે ભગવાન શ્રી કૃષ્ણની ભૂમિકા ભજવી. જેને ખૂબ જ વાહવાહી મળી હતી.

7. અક્ષય કુમાર-
અક્ષય કુમારે 2012માં આવેલી ફિલ્મ ઓએમજીમાં ક્રિષ્નાનો રોલ કર્યો હતો. મોડર્ન યુગના કૃષ્ણના રોલમાં અક્ષય કુમારને ખૂબ જ પસંદ કરવામાં આવ્યા હતા.

8. એનટી રામા રાવ-
મશહૂર તેલુગૂ અભિનેતા એનટી રામા રાવે 17 ફિલ્મોમાં કૃષ્ણની ભૂમિકા ભજવી હતી.  ફિલ્મોના ઈતિહાસમાં કદાચ જ કોઈ એવું સ્ટાર હશે જેણે આટલી ફિલ્મોમાં કૃષ્ણની ભૂમિકા ભજવી હોય

9. પવન કલ્યાણ-
બોલીવુડ ફિલ્મ ઓએમજીની તેલુગૂ રિમેક ગોપાલા ગોપાલામાં પવન કલ્યાણે કૃષ્ણની ભૂમિકા ભજવી હતી અને લોકોના દિલ જીત્યા હતા.