VIDEO : રાહુલ ગાંધી પર આવી રહી છે ફિલ્મ, ચૂંટણી પહેલાં ટીઝરમાં કહ્યું કે - 'હા, હું હારી ગયો'

નવી દિલ્હી : કોંગ્રેસ અધ્યક્ષ રાહુલ ગાંધીના જીવન પર કેન્દ્રિત 'માય નેમ ઇઝ રાગા' નામની એક ફિલ્મ બનાવવામાં આવી રહી છે. ફિલ્મના ડિરેક્ટર રૂપેશ પાલે એક નિવેદનમાં કહ્યું છે કે આ ફિલ્મનો હેતુ રાહુલની મહિમા ગાવાનો નથી. આ એક એવી વ્યક્તિની વાર્તા છે જેના પર હાસ્યાસ્પદ હુમલા કર્યા અને આમ છતાં તેણે જબરદસ્ત કમબેક કર્યું. 

હાલમાં આ ફિલ્મનું ટીઝર રિલીઝ કરવામાં આવ્યુ  છે. ટીઝરમાં જ્યારે મીડિયા રાહુલ ગાંધીને સવાલ કરે છે કે શું તમને નથી લાગતું કે તમે અસફળ સાબિત થયા છો? રાહુલ આ સવાલનો જવાબ હામાં આપે છે. આ પછી મીડિયા સવાલ કરે છે કે તમને નથી લાગતું કે તમે ફરીવાર ફેલ થશો? રાહુલ આનો જવાબ પણ હામાં આપે છે. ચર્ચા પ્રમાણે આ ફિલ્મ ચૂંટણી વચ્ચે એપ્રિલમાં રિલીઝ થઈ શકે છે. 

ન્યૂઝ એજન્સી આઇએએનએસ પ્રમાણે ફિલ્મ ડિરેક્ટર રૂપેશ પાલનું કહેવું છે કે જે વ્યક્તિએ નિડરતાથી હાર અને નિષ્ફળતાનો સામનો કર્યો છે તે આ વાર્તા સાથે પોતાની જાતને જોડી શકે છે. આમ, આ ફિલ્મ કોઈ બાયોપિક નથી. આ એક એવી વ્યક્તિની વાર્તા છે જેણે મુસીબતથી ભરેલા જીવન પર જીત મેળવી અને પછી એને રોકવાનું મુશ્કેલ થઈ ગયું. 

બોલિવૂડના સમાચાર જાણવા માટે કરો ક્લિક...