અક્ષય કુમારની એક વર્ષમાં ચાર નહીં પણ ત્રણ મહિનામાં ત્રણ ફિલ્મો થશે રિલીઝ! આવી રહી છે આ ફિલ્મો

નવી દિલ્લીઃ સોશિયલ મીડિયા પર અનેક લોકો અક્ષય કુમારને ટ્રોલ કરી રહ્યા છે કે તેઓ એક વર્ષમાં ચાર ફિલ્મો આપવાનું બંધ કરે. અક્ષય કુમારને લોકો કહી રહ્યા છે કે ભલે તેઓ વર્ષમાં એક-બે ફિલ્મો કરે પરંતુ પુરી તૈયારી સાથે કરે, અને સારી એક્ટિંગ કરે. પરંતુ આવા લોકોને આ સમાચાર ચોંકાવી શકે છે કે હવે વર્ષમાં ચાર નહીં પરંતુ ત્રણ મહિનામાં અક્ષય કુમારની ત્રણ ફિલ્મ રિલીઝ થવાની તૈયારીમાં છે. અક્ષયની આ ફિલ્મો રિલીઝ થવાની તૈયારીમાં છે. જેમાંથી બે તો સિનેમાઘરોમાં રિલીઝ થશે જ્યારે એક ફિલ્મ ડાયરેક્ટ OTT પર પ્રસારીત થશે. 74 દિવસમાં અક્ષય કુમારની આ ત્રણ ફિલ્મ દર્શકો સુધી પહોંચશે.

આ છે અક્ષયની ત્રણ ફિલ્મોઃ
54 વર્ષના અક્ષય કુમાર માટે છેલ્લા દોઢ વર્ષ ભારે રહ્યા છે. લક્ષ્મી, બેલ બોટમ, અતરંગી રે, બચ્ચન પાંડે અને પૃથ્વીરાજ સમ્રાટ દર્શકોની અપેક્ષાઓ પર ખરી ઉતરી શકી નથી. ખાસ કરીને 3 જૂને રિલીઝ થયેલી પૃથ્વીરાજ સમ્રાટ માટે તેની ઘણી ટીકાઓ પણ થઈ હતી. પરંતુ હવે અક્ષય આગામી ત્રણ મહિનામાં ત્રણ ફિલ્મો લાવવા માટે તૈયાર છે. 11 ઓગસ્ટે ડિરેક્ટર આનંદ એલ. રાયની રક્ષા બંધન, દિગ્દર્શક રણજીત તિવારીની કઠપૂતળી 2 સપ્ટેમ્બરે અને નિર્દેશક રમણ કુમારની રામ સેતુ 24 ઓક્ટોબરે રિલીઝ થઈ રહી છે. રક્ષા બંધન અને રામસેતુ થિયેટરોમાં આવશે, જ્યારે કથપુતળી OTT પ્લેટફોર્મ પર સ્ટ્રીમ થવા માટે તૈયાર છે.

કઠપૂતળીનું નામ પહેલા અલહ હતુંઃ
રક્ષાબંધન અને રામ સેતુની તારીખો પહેલાથી જ નક્કી કરવામાં આવી હતી, પરંતુ હાલ મુદ્દો કઠપૂતળીનો છે. આ ફિલ્મ તમિલ સાયકોલોજિકલ થ્રિલર રક્ષાસન(2018)ની હિન્દી રિમેક છે. અગાઉ આ ફિલ્મનું નામ મિશન સિન્ડ્રેલા હતું, પરંતુ તાજેતરમાં નિર્માતા-દિગ્દર્શકે તેનું શીર્ષક બદલીને કથપુતળી કરી દીધું છે. ફિલ્મમાં અક્ષય સાથે રકુલ પ્રીતસિંહ, ચંદ્રચુર સિંહ અને સરગુન મહેતા જોવા મળશે. રણજીત તિવારી અગાઉ ફરહાન ખાન સાથે લખનૌ સેન્ટ્રલ (2017) ફિલ્મ બનાવી ચૂક્યા છે. કઠપૂતળીને મિશન સિન્ડ્રેલા નામથી પહેલા થિયેટરોમાં રિલીઝ કરવાની હતી, પરંતુ ભૂતકાળમાં થિયેટરોમાં થ્રિલર ફિલ્મોની નિષ્ફળતા બાદ તેને સીધી OTT પર રિલીઝ કરવાનો નિર્ણય લેવામાં આવ્યો છે. નિર્માતાઓ ટૂંક સમયમાં પ્લેટફોર્મની જાહેરાત પણ કરશે.