Budget 2022: પ્રોપર્ટીના ખરીદ-વેચાણ પર TDS ના નિયમમાં ફેરફાર! તમારે જાણવું છે જરૂરી

નવી દિલ્હી: Budget 2022: કેન્દ્રીય નાણામંત્રી નિર્મલા સીતારમણ (Nirmala Sitharaman) એ 1 ફેબ્રુઆરીના રોજ સામાન્ય બજેટ (Budget 2022-23) રજૂ કર્યું. આ બજેટમાં ઘણી મોટી જાહેરાતો કરવામાં આવી છે. બજેટમાં નોન-એગ્રીકલ્ચરલ ઇમૂવબલ પ્રોપર્ટી (Immovable Property) ના વ્યવહાર સાથે સંબંધિત TDS નિયમમાં પણ ફેરફાર કરવામાં આવ્યો છે. નવા નિયમ મુજબ, હવે 50 લાખ રૂપિયાથી વધુની નોન-એગ્રીકલ્ચરલ પ્રોપર્ટીના વ્યવહાર પર વેચાણ કિંમત (Sale Price) અથવા સ્ટેમ્પ ડ્યુટી મૂલ્ય (Stamp Duty Value) થી વધુ હશે તેને 1 ટકા TDS માટે આધાર તરીકે ગણવામાં આવશે. એટલે કે હવે ઘર ખરીદનારાઓના ખિસ્સા ઢીલા થવાના છે.

1 એપ્રિલ 2022 થી થશે લાગુ
હવે નવા નિયમ અનુસાર, Income Tax Act માં આ માટે સુધારો કરવામાં આવશે. તમને જણાવી દઈએ કે આ ફેરફાર આ વર્ષે 1 એપ્રિલથી એટલે કે નવા નાણાકીય વર્ષથી લાગુ થશે. આ નિયમમાં ફેરફાર કર્યા પછી, જો કોઈ પ્રોપર્ટીના ટ્રાન્ઝેક્શનમાં સ્ટેમ્પ ડ્યુટી 50 લાખ કે તેથી વધુ હોય અને ટ્રાન્ઝેક્શનની કિંમત 50 લાખથી ઓછી હોય તો પણ 1 ટકા TDS ચૂકવવો પડશે.

TDS માટે મિલકતનું મૂલ્ય છે આધાર
નોંધનીય છે કે અત્યાર સુધી 50 લાખ રૂપિયાથી વધુની નોન-એગ્રીકલ્ચરલ પ્રોપર્ટીના ટ્રાન્ઝેક્શન પર 1 ટકા TDS ચૂકવવાનો નિયમ છે અને આ માટે 1 ટકા TDS, મિલકતની કિંમતને આધાર ગણવામાં આવે છે. તમને જણાવી દઈએ કે ટીડીએસનો આ નિયમ 50 લાખ રૂપિયાથી વધુના ટ્રાન્ઝેક્શન પર જ લાગુ થાય છે.

અટકશે ટેક્સ ચોરી 
ખરેખર, સરકારે આ જાહેરાત પ્રોપર્ટી ટ્રાન્ઝેક્શનમાં ટેક્સ ચોરી રોકવા માટે કરી છે. આ જાહેરાત બાદ હવે પ્રોપર્ટી ખરીદનાર વ્યક્તિએ વેચનારને પેમેન્ટ કરતી વખતે 1 ટકા TDS કાપવો પડશે. એટલે કે એકંદરે આ ફેરફાર ટેક્સ ચોરી રોકવામાં ખૂબ જ અસરકારક સાબિત થશે.

રોકાણ નિષ્ણાતોનું કહેવું છે કે આનાથી ઇમૂવબલ પ્રોપર્ટીના વેચાણ પરના TDS ના ધોરણોમાં ફેરફાર કરીને ટેક્સ ચોરીને રોકવામાં મદદ મળશે. વાસ્તવમાં, તે ખરીદદારો અને વેચાણકર્તા બંનેના ફોર્મ 26AS માં દેખાશે. જો કોઈ મેળ ખાતો નથી, તો આવકવેરા વિભાગ આવા કેસમાં ગુનેગારને શોધી શકે છે.