આ લોકોને દર વર્ષે મોદી સરકાર આપી રહી છે 6000 રૂપિયા, જાણો કેવી રીતે કરવી અરજી

PM Kisan - New Farmer Registration: ડિસેમ્બર 2018થી કેન્દ્ર સરકાર નાના અને સીમાંત ખેડૂતોને દર વર્ષે 6,000 રૂપિયાની સહાય ત્રણ સમાન હપ્તામાં આપી રહી છે. આ યોજનાનું નામ પીએમ કિસાન સન્માન નિધિ છે. આ અંતર્ગત ખેડૂતોને વર્ષમાં ત્રણ વખત રૂપિયા 2-2 હજાર મળે છે. અત્યાર સુધીમાં ખેડૂતોના ખાતામાં કુલ 17મો હપ્તા જાહેર કરવામાં આવ્યો છે. ભંડોળ સીધા લાભાર્થીઓના બેંક ખાતામાં ટ્રાન્સફર કરવામાં આવે છે.

આજે અમે તમને જણાવીશું કે સરકાર આ સહાય કોને આપે છે. અને તેના માટે કેવી રીતે અરજી કરવી.

શું છે લાયકાત?
પીએમ કિસાન સન્માન નિધિ હેઠળ ફક્ત તે લોકો જ તેનો લાભ લઈ શકે છે જેઓ નાના અને સીમાંત ખેડૂતો છે. એટલે કે જેમની પાસે 2 હેક્ટર સુધીની સંયુક્ત જમીન અથવા માલિકી છે. પીએમ કિસાન યોજના માટે જરૂરી દસ્તાવેજોમાં નાગરિકતા પ્રમાણપત્ર, જમીનના કાગળો, એક આધાર કાર્ડ અને બેંક ખાતાની વિગતોનો સમાવેશ થાય છે.

PM Kisan Registration કેવી રીતે કરવી?
પીએમ કિસાન સન્માન નિધિ યોજના માટે અરજી કરવા માટે સૌ પ્રથમ તમારે તેની સત્તાવાર વેબસાઇટ https://pmkisan.gov.in/ પર જવું પડશે. ત્યારબાદ હોમપેજ પર તમારે ખૂણામાં ન્યૂ ફાર્મર રજિસ્ટ્રેશન પર ક્લિક કરવાનું રહેશે. તેના પર ક્લિક કર્યા પછી એક નવી વિન્ડો ખુલશે.

આ પેજ પર તમારે તમારી તમામ જરૂરી માહિતી ભરવાની રહેશે. ત્યારબાદ કેપ્ચા કોડ દાખલ કરો અને ગેટ OTP બટન પર ક્લિક કરો. હવે થોડા સમય પછી તમારા મોબાઈલ નંબર પર એક OTP આવશે. જ્યારે તમે આ OTP દાખલ કરશો, ત્યારે એક નવું પેજ ખુલશે. આ પેજ પર તમારે એકવાર બધી માહિતી દાખલ કરવાની રહેશે. પછી તમારા બધા મહત્વપૂર્ણ દસ્તાવેજોની સોફ્ટ કોપી અપલોડ કરો અને સેવ બટન પર ક્લિક કરો.

કોઈપણ મદદ માટે તમે સત્તાવાર ઈમેલ આઈડી pmkisan-ict@gov.in પર સંપર્ક કરી શકો છો. પીએમ કિસાન યોજનાના હેલ્પલાઇન નંબર - 155261 અથવા 1800115526 (ટોલ ફ્રી) અથવા 011-23381092 પર પણ સંપર્ક કરી શકો છો.