મારી નાંખશે મોંઘવારી! LPG સિલિન્ડરના ભાવમાં 25 રૂપિયા, કોમર્શિયલ સિલિન્ડરમાં 75 રૂપિયાનો ભાવ વધારો

નવી દિલ્હી: LPG Price Hike: 1 સપ્ટેમ્બરની શરૂઆત મોંઘવારીની માર સાથે થઈ છે. ઓઇલ માર્કેટિંગ કંપનીઓએ એલપીજી સિલિન્ડરના ભાવમાં વધારો કર્યો છે. 14.2 કિલો વાળા બિન સબસિડીવાળા એલપીજી સિલિન્ડરની કિંમતમાં 25 રૂપિયાનો વધારો કરવામાં આવ્યો છે. એટલું જ નહીં, 19 કિલોના કોમર્શિયલ સિલિન્ડરની કિંમતમાં પણ વધારો થયો છે, તેની કિંમતમાં પ્રતિ સિલિન્ડર 75 રૂપિયાનો વધારો કરવામાં આવ્યો છે.

LPG સિલિન્ડરમાં 25 રૂપિયાનો ભાવ વધારો:
આ વધારા બાદ દિલ્હીમાં 14.2 કિલો એલપીજી સિલિન્ડર હવે 884.5 રૂપિયા થઈ ગયું છે. જ્યારે આ પહેલા તેને 859.50 રૂપિયા મળતા હતા. અગાઉ 17 ઓગસ્ટે એલપીજી સિલિન્ડરની કિંમતમાં 25 રૂપિયાનો વધારો કરવામાં આવ્યો હતો. અને તે પહેલા 1 જુલાઈએ LPG સિલિન્ડરની કિંમતમાં 25.50 રૂપિયાનો વધારો કરવામાં આવ્યો હતો.

મુંબઈમાં પણ 14.2 કિલો એલપીજી સિલિન્ડરનો દર હવે 884.5 રૂપિયા છે, જ્યારે અત્યાર સુધી તે 859.50 રૂપિયા હતો. કોલકાતામાં એલપીજી સિલિન્ડરનો દર 886 રૂપિયાથી વધીને 911 રૂપિયા પ્રતિ સિલિન્ડર થયો છે. જ્યારે ચેન્નાઈમાં એલપીજી સિલિન્ડર માટે તમારે આજથી 900.50 રૂપિયા ચૂકવવા પડશે, જે ગઈકાલ સુધી 875.50 રૂપિયા હતા. ઉત્તરપ્રદેશના લખનઉમાં એલપીજી સિલિન્ડર માટે તમારે 897.5 રૂપિયા ચૂકવવા પડશે. ગુજરાતમાં અમદાવાદમાં LPG માટે 866.50 ચૂકવવા પડશે. અત્યાર સુધી આ સિલિન્ડર ભોપાલમાં 840.50 રૂપિયામાં ઉપલબ્ધ હતું, જે આજથી 865.50 રૂપિયા થઈ ગયું છે.

14.2 કિલો LPG  સિલિન્ડરની કિંમતમાં વધારો:
શહેર                 જૂના દર         નવા દર
દિલ્હી                859.50         884.5
મુંબઈ                859.50         884.5
કોલકાતા             886              911
ચેન્નઈ                  875.50         900.5
લખનૌ                897.5           922.5
અમદાવાદ          866.50          891.5
ભોપાલ               840.50         890.5

LPG સિલિન્ડર આ વર્ષે 190.50 રૂપિયા મોંઘુ થયું છે:
તમને જણાવી દઈએ કે વર્ષ 2021 ની શરૂઆતમાં એટલે કે જાન્યુઆરીમાં દિલ્હીમાં એલપીજી સિલિન્ડરની કિંમત 694 રૂપિયા હતી, જે ફેબ્રુઆરીમાં વધારીને 719 રૂપિયા પ્રતિ સિલિન્ડર કરવામાં આવી હતી. 15 ફેબ્રુઆરીએ ભાવ વધારીને 769 રૂપિયા કરવામાં આવ્યા હતા. આ પછી, 25 ફેબ્રુઆરીએ, એલપીજી સિલિન્ડરની કિંમત ઘટાડીને 794 રૂપિયા કરવામાં આવી હતી. માર્ચમાં એલપીજી સિલિન્ડરની કિંમત ઘટાડીને 819 રૂપિયા કરવામાં આવી હતી. એપ્રિલની શરૂઆતમાં 10 રૂપિયાના ઘટાડા બાદ દિલ્હીમાં સ્થાનિક એલપીજીની કિંમત 809 રૂપિયા થઈ ગઈ હતી. એક વર્ષમાં એલપીજી સિલિન્ડરના ભાવમાં 190.50 રૂપિયાનો વધારો થયો છે. જ્યારે ડિસેમ્બરથી અત્યાર સુધી સિલિન્ડરની કિંમતમાં લગભગ 300 રૂપિયાનો વધારો થયો છે.

કોમર્શિયલ સિલિન્ડર પણ મોંઘુ બન્યું:
એલપીજી સિલિન્ડર ઉપરાંત કોમર્શિયલ ગેસ સિલિન્ડર પણ રૂ .75 મોંઘુ થયું છે. 17 ઓગસ્ટે કોમર્શિયલ સિલિન્ડરની કિંમતમાં પણ 68 રૂપિયાનો વધારો કરવામાં આવ્યો હતો. હવે દિલ્હીમાં, 1618 રૂપિયાને બદલે, 19 કિલોના વાણિજ્યિક ગેસ સિલિન્ડરની કિંમત 1693 રૂપિયા થશે.