Gas Price: સરકારની જોરદાર સ્કીમ, આ લોકોને મળી રહી છે સસ્તી CNG

Gas Price: સરકારની મહત્વાકાંક્ષી 'ઉર્જા ગંગા' પાઈપલાઈન પ્રોજેક્ટે દેશના અંતરિયાળ વિસ્તારોમાં કુદરતી ગેસના સસ્તા ભાવનો લાભ ઉઠાવવામાં મદદ કરી છે. આનાથી દેશમાં સ્વચ્છ ઇંધણની સ્વીકૃતિ પણ વધી છે. સત્તાવાર સૂત્રોએ બુધવારે આ માહિતી આપી. પરંપરાગત રીતે, કુદરતી ગેસનો ઉપયોગ વીજળી અને ખાતરના ઉત્પાદન માટે કરવામાં આવે છે. તે વાહન બળતણ CNG અને રસોઈ ગેસ PNG માં પણ રૂપાંતરિત થાય છે. 

આ પણ વાંચો:

30 એપ્રિલે કેન્દ્રીય કર્મચારીઓના ખાતામાં જમા થશે 1.20 લાખ રૂપિયા , થઈ ગઈ જાહેરાત!

પોસ્ટની આ સ્કીમમાં રોકાણ કરશો તો નહીં પડે નોકરીની જરૂર! મળશે મોટું વળતર

કોલેજ પૂરી થતાં જ દીકરી બની જશે લખપતિ : ખાતામાં હશે 65 લાખ, જાણો કેવી રીતે

ઑક્ટોબર 2016 માં, ઉત્તર પ્રદેશના જગદીશપુરથી પશ્ચિમ બંગાળના હલ્દિયા, ઝારખંડના બોકારો અને ઓડિશાના ધામરા સુધી 2,655 કિલોમીટરની પાઇપલાઇન નાખવાનું કામ શરૂ થયું. બાદમાં આ લાઇન બિહારના બરૌનીથી આસામના ગુવાહાટી સુધી લંબાવવામાં આવી હતી. આ લંબાઈ લગભગ 726 કિલોમીટર છે. તેનો હેતુ પૂર્વના પછાત રાજ્યોમાં ગેસ પહોંચાડવાનો હતો. જગદીશપુર-હલ્દિયા-બોકારો-ધામરા પાઇપલાઇન (JHBDPL) ને પ્રધાનમંત્રી ઊર્જા ગંગા પાઇપલાઇન કહેવામાં આવે છે.

ગેસ પુરવઠો
અધિકૃત સૂત્રોએ જણાવ્યું કે આ પાઈપલાઈન હવે બિહાર, ઝારખંડ, ઓડિશા અને પશ્ચિમ બંગાળના પૂર્વ રાજ્યોમાં ગેસ પહોંચાડવા માટે તૈયાર છે. આનાથી કુદરતી ગેસના ભાવ ઘટાડવાના સરકારના નિર્ણય બાદ આ વિસ્તારોના ગ્રાહકોને સસ્તી CNG અને PNG સપ્લાય કરવામાં મદદ મળી છે. 20 નગરો અને શહેરોના ગ્રાહકોને હવે ભાવમાં આશરે રૂ. 5-7ના ઘટાડાનો લાભ મળી રહ્યો છે. ગેસ પાઈપલાઈન એ ગેસના પરિવહનનું સૌથી સસ્તું માધ્યમ છે.

ગેસ પરિવહન
સૂત્રોએ જણાવ્યું હતું કે જાહેર ક્ષેત્રની ગેઇલ (ઇન્ડિયા) લિમિટેડને ભારતના પૂર્વી રાજ્યોમાં ગેસ પરિવહન માટે JHBDPL નાખવા માટે અધિકૃત કરવામાં આવી હતી. સરકારે JHBDPL ના અમલીકરણ માટે 40 ટકા વાયેબિલિટી ગેપ ફંડિંગ (VGF) પ્રદાન કર્યું છે. આ રકમ રૂ. 5,176 કરોડ થાય છે. GAIL JHBDPL હેઠળ બરૌની-ગુવાહાટી પાઈપલાઈન પણ નાંખી રહી છે જે નોર્થઈસ્ટ ગેસ ગ્રીડ પાઈપલાઈન માટે સ્ત્રોત તરીકે કામ કરશે. પ્રધાનમંત્રી ઉર્જા ગંગા પાઈપલાઈન ઉત્તર પ્રદેશ, બિહાર, ઓડિશા, પશ્ચિમ બંગાળ અને દેશના વધુ ઉત્તર-પૂર્વ વિસ્તારના સમગ્ર ભૌગોલિક વિસ્તારને જોડશે.