Senior Citizen માટે Good News, આ ખાનગી બેંકો વરિષ્ઠ નાગરિકોને FD પર આપી રહી છે વધુ વ્યાજ

નવી દિલ્લીઃ સિનિયર સિટીઝનની ચિંતા કરીને સરકાર અવાર નવાર કોઈકને કોઈક નવી સ્કીમ લાવીને તેમણે વૃદ્ધાવસ્થામાં કોઈ હાથ લાંબો ન કરવો પડે તેવી વ્યવસ્થા કરવાનો પ્રયાસ કરે છે. ત્યારે સરકારી બેંકોની સાથો-સાથ ખાનગી બેંકો પણ આ ભગીરથ કાર્યમાં જોડાઈને વડીલોની સેવા કરી રહી છે. કેટલીક ખાનગી બેંકો પણ સિનિયર સિટીઝનને ફિક્સ ડિપોઝીટ પર નક્કી કરાયેલાં વ્યાજ દર કરતા વધારે વ્યાજ આપી રહી છે. આ આર્ટિકલમાં તમને આ તમામ બેંકો અંગેની વિગતો મળી રહેશે.

4 પ્રાઈવેટ બેંક વરિષ્ઠ નાગરિકો માટે 3 વર્ષની FD પર 7 ટકા વ્યાજ આપી રહી છે, જાણો કઈ બેંકમાં રોકાણ કરવું વધુ લાભદાયક રહેશે. આરબીઆઈની પેટાકંપની ડિપોઝિટ ઈન્સ્યોરન્સ અને ક્રેડિટ ગેરંટી કોર્પોરેશન (DICGC) રૂ. 5 લાખ ની ફિક્સ્ડ ડિપોઝિટ પર એટલે કે FD પર રોકાણ કરેલી રકમ પર ગેરંટી આપે છે. ફિક્સ્ડ ડિપોઝિટ રોકાણ વરિષ્ઠ નાગરિકો માટે સૌથી મોટો સહારો માનવામાં આવે છે. ભારતીય રિઝર્વ બેંક (RBI) એ રેપો રેટને 4 ટકા પર યથાવત રાખવાની જાહેરાત કર્યા પછી સ્ટેટ બેંક ઑફ ઈન્ડિયા અને HDFC બેંક જેવી બેંકોએ FD પર વ્યાજ દરમાં વધારો કર્યો છે. કોવિડ-19 રોગચાળા વચ્ચે વ્યાજ દરોમાં ઘટાડો થયો હોવા છતાં નાની ખાનગી બેંકો વરિષ્ઠ નાગરિકો માટે ત્રણ વર્ષની FD પર 7 ટકા સુધીના વ્યાજ દર ઓફર કરી રહી છે. ચાલો જાણીએ એવી ચાર બેંકો વિશે જે વરિષ્ઠ નાગરિકોને ત્રણ વર્ષની FD પર સૌથી વધુ વ્યાજ ઓફર કરે છે.

તમને જણાવી દઈએ કે આરબીઆઈની પેટાકંપની ડિપોઝિટ ઈન્સ્યોરન્સ અને ક્રેડિટ ગેરંટી કોર્પોરેશન રૂ. 5 લાખ ની ફિક્સ્ડ ડિપોઝિટ પર એટલે કે FD પર રોકાણ કરેલી રકમ પર ગેરંટી આપે છે.

1) ઇન્ડસઇન્ડ બેંક:
ખાનગી ક્ષેત્રની ઇન્ડસઇન્ડ બેંકે વરિષ્ઠ નાગરિકોને 2 વર્ષથી 61 મહિનામાં પાકતી થાપણો પર 7% વ્યાજ ઓફર કર્યું છે. આ દરો 16 ફેબ્રુઆરી, 2022થી લાગુ થશે.

2) આરબીએલ બેંક:
RBL બેંક વરિષ્ઠ નાગરિકોને 24 મહિનાથી 36 મહિના કરતાં ઓછા સમયમાં પાકતી થાપણો પર 7% વ્યાજ ઓફર કરે છે. આ દરો 3 ફેબ્રુઆરી, 2022 થી અમલી છે. વ્યાજ દર 24 મહિનાથી 36 મહિના કરતાં 7% ઓછો છે.

3) યસ બેંક:
ખાનગી ક્ષેત્રની યસ બેંક વરિષ્ઠ નાગરિકોને 3 વર્ષની FD પર 7% વ્યાજ ચૂકવે છે. આ દરો 4 જાન્યુઆરી, 2022થી લાગુ થશે.

4) બંધન બેંક:
બંધન બેંક વરિષ્ઠ નાગરિકો માટે ત્રણ વર્ષની FD પર 7% વ્યાજ ચૂકવે છે. આ દરો 12 જાન્યુઆરી, 2022 થી અમલી છે. બેંક 2 વર્ષ અને 3 વર્ષથી ઓછી એફડી પર 7% વ્યાજ ઓફર કરે છે.

જો ભવિષ્યમાં બેંક ડૂબી જશે તો થાપણદારોને કોઈ મુશ્કેલી નહીં પડે. જો બેંક ડૂબી જાય તો પણ તેમને તેમના પૈસા 3 મહિનામાં પાછા મળી જશે. ભારતીય રિઝર્વ બેંકની પેટાકંપની DICGC બેંક થાપણો પર વીમા કવચ પ્રદાન કરે છે. DICGC બેંકોમાં કરંટ, રેકરિંગ, અથવા ફિક્સ ડિપૉજિટ (FD) વગેરે સ્કીમ્સમાં 5 લાખ રૂપિયા સુધી સુરક્ષા આપે છે.