Water Expiry: શું પાણીની પણ Expiry Date હોય છે? જાણી લો આ છે સૌથી મોટું સત્ય

નવી દિલ્હીઃ Expiry Date Of Water:પાણીને લઈને વિશ્વભરમાં ઘણી સ્ટોરીઓ કહેવામાં આવે છે. તેમાંથી કેટલાક વૈજ્ઞાનિક કારણોસર સાચા છે જ્યારે કેટલાક વિશે માત્ર અનુમાન લગાવવામાં આવે છે. પરંતુ એક પ્રશ્ન જે સૌથી મહત્વપૂર્ણ છે, તે ઘણી વખત ઉભરી આવે છે કે શું પાણીની પણ Expiry Date હોય છે. અને જો હોય છે એ કેટલા દિવસો સુધીની હોય છે. અને જો નથી હોતી તો શું કારણ છે કે પાણી ખરાબ થતું નથી.

બોટલની ઉપર શા માટે લખેલું હોય છે?
ખરેખર, હવે દરેક જગ્યાએ પાણીની બોટલોનું ખૂબ વેચાણ થઈ રહ્યું છે. શહેરથી ગામડે પાણી બોટલોમાં વેચાય છે. પાણીની બોટલ પર Expiry Date પણ લખેલી હોય છે. આ જ કારણ છે કે લાંબા સમયથી આ ચર્ચા ચાલી રહી છે કે જો પાણીની એક્સપાયરી ડેટ નથી તો બોટલો પર શા માટે લખવામાં આવે છે. આનો જવાબ પણ જાણી લો.

આ પણ વાંચોઃ ચા ન પીવી જોઈએ તેવી તો ઘણી વાતો સાંભળી...હવે જાણો ચા પીવાના છે અનેક ફાયદા

પાણીની બોટલની Expiry Date
વાસ્તવમાં, નિષ્ણાતો કહે છે કે પાણીની બોટલો પર લખેલી એક્સપાયરી ડેટ પાણીની નથી પણ પાણીની બોટલની Expiry Date છે. પાણીની બોટલ પ્લાસ્ટિકની બનેલી હોય છે અને ચોક્કસ સમય પછી પ્લાસ્ટિક ધીમે ધીમે પાણીમાં ઓગળવા લાગે છે. આ જ કારણ છે કે જે બોટલોમાં પાણી ભરાય છે, તે બોટલો વિશે લખ્યું છે.

પાણીની કોઈ Expiry Date નથી!
હવે પાણીની વાત આવે છે કે શું પાણીની પણ Expiry Date હોય છે. જવાબ છે ના, પાણીની કોઈ Expiry Date નથી. આવી ઘણી બધી પ્રક્રિયાઓ છે જેના દ્વારા પાણી શુદ્ધ થાય છે. જો કે, એવું ચોક્કસપણે કહેવામાં આવે છે કે જો પાણીને લાંબા સમય સુધી એક જગ્યાએ રાખવામાં આવે છે, તો તેને પીતા પહેલા તેને સાફ અથવા શુદ્ધ કરવું જરૂરી છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube