Stock Market Update: આ શેરો પર લગાવી શકો છો દાવ, દેખાઈ રહ્યાં છે જબરદસ્ત તેજીના સંકેત

Stock Market Update: ફરી નવા સપ્તાહની શરૂઆત સાથે માર્કેટમાં જોવા મળી શકે છે ઉથલપાથલ. શેર બજારમાં ચાલતી તેજી વચ્ચે ગયા શુક્રવારે ગાડી પર બ્રેક લાગી ગઈ હતી. વીકના છેલ્લાં દિવસે ટ્રેડિંગમાં ડાઉનફોલ જોવા મળ્યો હતો. આ સમયગાળા દરમિયાન બજાર ઘટાડા સાથે બંધ થયું હતું. સવારથી જ બજારમાં ઘટાડો જોવા મળ્યો હતો. ક્રૂડ ઓઈલની વધતી કિંમતો, ડોલર સામે રૂપિયામાં ઘટાડો અને સતત વિદેશી મૂડીની ઉપાડની અસર બજારમાં જોવા મળી હતી. ઉલ્લેખનીય છેકે, ગયા શુક્રવારે શેરબજાર ઘટાડા સાથે બંધ થયું હતું. બજાજ ફાઇનાન્સમાં સૌથી વધુ 8 ટકાનો ઘટાડો નોંધાયો હતો. આજે ઘણા શેરોમાં તેજીના સંકેત દેખાઈ રહ્યા છે.

ગત શુક્રવારે શું હતી સ્ટોક માર્કેટની સ્થિતિ?
શેરબજારમાં ગત સપ્તાહે ઘણી વોલેટિલિટી જોવા મળી હતી. દરમિયાન, ટ્રેડિંગ સપ્તાહના અંતિમ દિવસે શુક્રવારે બજાર ઘટાડા સાથે બંધ થયું હતું. શુક્રવારે, છેલ્લા પાંચ ટ્રેડિંગ સત્રોથી સ્થાનિક શેરબજારોમાં ચાલુ વધારો અટકી ગયો અને BSE સેન્સેક્સ 609 પોઇન્ટ લપસી ગયો. વૈશ્વિક સ્તરે ક્રૂડ ઓઈલની વધતી કિંમતો, ડોલર સામે રૂપિયામાં ઘટાડો અને સતત વિદેશી મૂડીની ઉપાડની અસર બજારમાં જોવા મળી હતી. બીએસઈ સેન્સેક્સ 609.28 પોઈન્ટ અથવા 0.82 ટકા ઘટીને 73,730.16 પોઈન્ટ પર પહોંચ્યો હતો. ટ્રેડિંગ દરમિયાન એક સમયે તે 722.79 પોઇન્ટ ઘટીને 73,616.65 પર હતો. તે જ સમયે, નેશનલ સ્ટોક એક્સચેન્જ (NSE) ઇન્ડેક્સ નિફ્ટી પણ 150.40 પોઇન્ટ અથવા 0.67 ટકા ઘટીને 22,419.95 પોઇન્ટ પર બંધ થયો હતો. સાપ્તાહિક ધોરણે, સેન્સેક્સે 641.83 પોઈન્ટ અથવા 0.87 ટકાનો વધારો નોંધાવ્યો હતો, જ્યારે નિફ્ટીમાં કુલ 272.95 પોઈન્ટ અથવા 1.23 ટકાનો વધારો નોંધાયો હતો.

આજે કયા સ્ટોક પર રહેશે રોકાણકારોની નજર?
સેન્સેક્સ જૂથમાં સમાવિષ્ટ કંપનીઓમાં બજાજ ફાઇનાન્સને આઠ ટકાના ભારે ઘટાડાનો સામનો કરવો પડ્યો હતો. કંપનીના માર્ચ ક્વાર્ટરના પરિણામોએ રોકાણકારોને ઉત્સાહિત કર્યા નથી. આ સિવાય બજાજ ફિનસર્વમાં પણ ત્રણ ટકાનો ઘટાડો જોવા મળ્યો હતો. ઇન્ડસઇન્ડ બેન્ક, નેસ્લે, કોટક મહિન્દ્રા બેન્ક અને મહિન્દ્રા એન્ડ મહિન્દ્રાના શેર પણ નુકસાન સાથે બંધ થયા છે. તે જ સમયે, ટેક મહિન્દ્રામાં સાત ટકાથી વધુનો વધારો જોવા મળ્યો હતો. આ સિવાય વિપ્રો, આઈટીસી, અલ્ટ્રાટેક સિમેન્ટ, ટાઈટન અને એક્સિસ બેન્કના શેર પણ પ્રગતિમાં હતા. ચાલો જાણીએ કે આજે કયા શેર ટ્રેન્ડમાં હોઈ શકે છે.

(Disclaimer: અહીં આપવામાં આવેલી માહિતી જનરલ જાણકારી પર આધારિત છે. ઝી મીડિયા આ અંગેની પુષ્ટી કરતું નથી. કોઈપણ પ્રકારનું રોકાણ કરતા પહેલાં નિષ્ણાતની સલાહ અચુક લેવી.)