High FD Rate on Senior Citizen FD: વડીલો માટે ખુશખબર! આ બેંકો વરિષ્ઠ નાગરિકોને આપશે વધુ વ્યાજ

નવી દિલ્હીઃ સિનિયર સીટીજન માટે સરકાર દ્વારા પણ અવાર નવાર કોઈકને કોઈક લાભદાયક સ્કીમો લાવવામાં આવતી હોય છે. ત્યારે બેંકિંગ સેક્ટર પણ સિનિયર સીટીજન માટે નરમ વલણ ધરાવે છે. બેંકિંગ સેક્ટરમાં સિનિયર સીટીજન માટે ખાસ ઓફર લાવવામાં આવી છે. તેથી આ સમાચાર વડીલો માટે ખુશખબરી સમાન છે. ભારતીય રિઝર્વ બેંકે રેપો રેટમાં પાંચમી વખત વધારો કર્યો તે પહેલાં, કેટલીક બેંકોએ ફિક્સ્ડ ડિપોઝિટના વ્યાજમાં વધારો કર્યો હતો. હવે ફિક્સ ડિપોઝિટના દરમાં ફરી વધારો થવાની ધારણા છે. FD વ્યાજ દરની વાત કરીએ તો, બેંકો હાલમાં 5 થી 8 ટકા વ્યાજ ઓફર કરી રહી છે. બેંકની વેબસાઇટ અનુસાર, બેંક વરિષ્ઠ નાગરિકોને FD પર 4.5 થી 9 ટકા વ્યાજ આપી રહી છે. બેંકે અમુક મુદત માટે 9 ટકા વ્યાજ આપ્યું છે. એ મુજબ હવે FD પર 9% સુધીનું વ્યાજ મળશે. તેના માટે કેટલીક બેંકો ખાસ ઓફર આપી રહી છે.

કેટલો છે અન્ય બેંકોનો રેટ?
ઉત્કર્ષ સ્મોલ ફાઇનાન્સ બેંક FD પર ઓછામાં ઓછું 8 ટકા અને મહત્તમ 8.75 ટકા વ્યાજ આપવામાં આવી રહ્યું છે. તે જ સમયે, ઉજ્જિવન સ્મોલ ફાઇનાન્સ બેંક સામાન્ય નાગરિકો માટે મહત્તમ 8 ટકા અને વરિષ્ઠ નાગરિકો માટે 8.75 ટકા વ્યાજ આપી રહી છે. તેવી જ રીતે શિવાલિક સ્મોલ ફાઇનાન્સ બેંક 7.50 ટકાથી 8 ટકા સુધીનું વ્યાજ ઓફર કરી રહી છે.

જો તમે પણ ફિક્સ્ડ ડિપોઝિટ (એફડીમાં રોકાણ) માં રોકાણ કરવાની યોજના બનાવી રહ્યા છો, તો અહીં આવી બે બેંકો છે, જે તમને FD પર 9% સુધી વ્યાજ આપી શકે છે. જોકે, આ વ્યાજ સ્મોલ ફાઇનાન્સ બેંક દ્વારા વરિષ્ઠ નાગરિકોને આપવામાં આવી રહ્યું છે.

Suryoday Small Finance Bank:
બેંક દ્વારા ઓફર કરવામાં આવતી આ વિશેષ મુદતની FD પર વરિષ્ઠ નાગરિકોને 9.59 ટકા વ્યાજ આપવામાં આવે છે. આ FD નો કાર્યકાળ 5 વર્ષ માટે છે. તે જ સમયે, સમાન કાર્યકાળ પર સામાન્ય નાગરિક માટે FD દર 9 ટકા છે. બેંકની વેબસાઈટ અનુસાર 6 ડિસેમ્બરે FDના દરમાં વધારો કરવામાં આવ્યો હતો. આ વધારા બાદ બેંક સામાન્ય લોકોને 4 ટકાથી 9 ટકા વ્યાજ આપી રહી છે. તે જ સમયે, FD પર વરિષ્ઠ નાગરિકોને 4.50 ટકાથી 9.59 ટકા સુધીનું મહત્તમ વ્યાજ આપવામાં આવી રહ્યું છે.

Unity Small Finance Bank:
બેંકની વેબસાઇટ અનુસાર, બેંક વરિષ્ઠ નાગરિકોને FD પર 4.5 થી 9 ટકા વ્યાજ આપી રહી છે. બેંકે અમુક મુદત માટે 9 ટકા વ્યાજ આપ્યું છે. બેંક માત્ર 181 દિવસ અને 501 દિવસની મુદત પર વાર્ષિક 9 ટકા વ્યાજ ચૂકવે છે. આ સિવાય સામાન્ય નાગરિકો સમાન કાર્યકાળ માટે 8.50 ટકા વ્યાજનો લાભ મેળવી શકે છે. આ વ્યાજ નાગરિકોને વાર્ષિક ધોરણે આપવામાં આવશે.