दोन वेळा ICC प्लेयर ऑफ द मंथ पुरस्कार जिंकणारा गिल हा पहिला भारतीय क्रिकेटपटू ठरला आहे.
गिलच्या आधी भारताकडून ऋषभ पंत, आर अश्विन, भुवनेश्वर कुमार, श्रेयस अय्यर, विराट कोहली यांनी हा विशेष पुरस्कार जिंकला आहे.
आयसीसीकडून शुभमन गिल, वेगवान गोलंदाज मोहम्मद सिराज आणि इंग्लंडचा डेव्हिड मलान यांना सप्टेंबरसाठी प्लेयर ऑफ द मंथसाठी नामांकन देण्यात आलं होतं.
शुभमन गिलला ICC पुरुष क्रिकेट विश्वचषकापूर्वी अनेक एकदिवसीय सामन्यांमध्ये वर्चस्व गाजवल्यामुळे हा पुरस्कार त्याला मिळाला आहे.
शुभमनने गेल्या महिन्यात 80 च्या सरासरीने 480 धावा केल्या आणि एकदिवसीय सामन्यांमध्ये दोन शतके आणि तीन अर्धशतकेही झळकावली होती.
डेंग्यूमुळे विश्वचषकाच्या गेल्या दोन सामन्यांत खेळू न शकलेला शुभमन पाकिस्तानविरुद्धच्या सामन्यात खेळण्याची शक्यता आहे.
गिल ऑस्ट्रेलिया आणि अफगाणिस्तानविरुद्धच्या प्लेइंग इलेव्हनचा भाग नव्हता पण पाकिस्तानविरुद्धच्या प्लेइंग इलेव्हनमध्ये तो पुनरागमन करेल अशी अपेक्षा आहे.