താരൻ അലട്ടുന്നുവോ? ഈ വഴികൾ പരീക്ഷിക്കൂ
താരന്‍ ഇന്ന് പലരെയും അലട്ടുന്ന ഒരു പ്രധാന പ്രശ്നമാണ്. തലമുടിയുടെ കാര്യത്തില്‍ കുറച്ചധികം ശ്രദ്ധിച്ചാല്‍ തന്നെ ഒരു പരിധി വരെ താരന്‍ തടയാന്‍ സാധിക്കും
താരനെ അകറ്റാൻ വീട്ടില്‍ പരീക്ഷിക്കേണ്ട കാര്യങ്ങള്‍ എന്തൊക്കെയാണെന്ന് നോക്കാം
ആന്റി ബാക്ടീരിയല്‍, ആന്റി ഫംഗല്‍ ഗുണങ്ങള്‍ അടങ്ങിയതാണ് ടീ ട്രീ ഓയില്‍. ടീ ട്രീ ഓയിലും വെളിച്ചെണ്ണയും തുല്യ അളവില്‍ എടുത്ത് ശിരോചർമ്മത്തിൽ പുരട്ടി നന്നായി മസാജ് ചെയ്യുക. 30 മിനിറ്റിന് ശേഷം ഷാംമ്പൂ ഉപയോഗിച്ച് കഴുകാം
ആപ്പിൾ സിഡെർ വിനെഗർ കുറച്ച് വെള്ളത്തില്‍ കലര്‍ത്തി ശിരോചർമ്മത്തിൽ പുരട്ടി മസാജ് ചെയ്യുന്നത് താരനെ അകറ്റാന്‍ സഹായിക്കും
വെളിച്ചെണ്ണയ്ക്ക് മോയ്സ്ചറൈസിംഗ്, ആന്റി ബാക്ടീരിയൽ ഗുണങ്ങളുണ്ട്. ഷാപൂ ഇടുന്നതിന് 3-4 മണിക്കൂർ മുമ്പ് തലയിൽ തേച്ച് പിടിപ്പിക്കുന്നത് താരനകറ്റാൻ സഹായിക്കും
കറ്റാര്‍വാഴയുടെ ജെല്ലും താരന്‍ അകറ്റാന്‍ സഹായിക്കും. കറ്റാര്‍വാഴയുടെ ജെല്‍ തലയോട്ടിയിൽ പുരട്ടി നന്നായി മസാജ് ചെയ്യാം. 30 മിനിറ്റിന് ശേഷം ഷാംമ്പൂ ഉപയോഗിച്ച് കഴുകാം
പ്രൊബയോട്ടിക്സ് അടങ്ങിയ തൈര് 30 മിനിറ്റ് നേരം തലയോട്ടിയില്‍ പുരട്ടി മസാജ് ചെയ്യുന്നത് താരനകറ്റാൻ നല്ലൊരു വഴിയാണ്
ഉലുവ അരച്ച് മുട്ടയുടെ വെള്ളയും ഒരു ടീസ്‌പൂൺ നാരങ്ങാനീരുമായി കൂട്ടിക്കലർത്തി തലയിൽ പുരട്ടാം. പതിനഞ്ച് മിനിറ്റിന് ശേഷം കഴുകിക്കളയാം
ഒലീവ് ഓയിലിന് മോയിസ്ചറൈസിംഗ് ഗുണങ്ങളുണ്ട്. ഇത് തലയോട്ടിയിൽ മസാജ് ചെയ്യുന്നതിലൂടെ താരനും കുറയും
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.