രാജ്യത്തെ ഏറ്റവും വലിയ ഇൻഷുറൻസ് കമ്പനിയായ എൽഐസി കുട്ടികളുടെ ഭാവി സുരക്ഷിതമാക്കുന്നതിന് വേണ്ടി അവതരിപ്പിച്ച പോളിസിയാണ് ചിൽഡ്രൻസ് മണി ബാക്ക് പ്ലാൻ. കുഞ്ഞ് ജനിച്ച് കഴിയുമ്പോൾ തന്നെ രക്ഷിതാക്കൾക്ക് ഈ പോളിസിയിൽ നിക്ഷേപിക്കാവുന്നതാണ്. 12 വയസ് വരെയുള്ള കുട്ടികൾക്ക് വേണ്ടിയാണ് പോളിസി അവതരിപ്പിച്ചിരിക്കുന്നത്. ഈ പോളിസിയനുസരിച്ച് പ്രതിദിനം 150 രൂപ മാത്രം നിക്ഷേപിച്ചാൽ മതി നിങ്ങളുടെ കുട്ടിയുടെ ഭാവി സുരക്ഷിതമാക്കാൻ. അതായത് ഒരു വർഷം ഏകദേശം 55,000 രൂപ നിങ്ങൾ കുഞ്ഞുങ്ങൾക്കായി നിക്ഷേപിക്കണം.
25 വര്‍ഷ കാലയളവിലേക്കാണ് ചിൽഡ്രൻസ് മണി ബാക്ക് പ്ലാൻ തയ്യാറാക്കിയിരിക്കുന്നത്. 25 വർഷം കൊണ്ട് 14 ലക്ഷം രൂപയാണ് നിക്ഷേപിക്കേണ്ടത്. കാലാവധി പൂർത്തിയാകുമ്പോൾ നിങ്ങൾക്ക് 19 ലക്ഷം രൂപ ലഭിക്കും.
ഈ പദ്ധതി പ്രകാരം മെച്യൂരിറ്റി തുക ഗഢുക്കളായാണ് ലഭിക്കുക. ആദ്യ ഗഢു കുട്ടിയ്ക്ക് 18 വയസ് പൂര്‍ത്തിയാകുമ്പോൾ ലഭിക്കും. കുട്ടിയ്ക്ക് 20 വയസ് പൂര്‍ത്തിയാകുമ്പോൾ രണ്ടാമത്തെ ഗഢുവും മൂന്നാം ഗഢു 22 വയസ് പൂര്‍ത്തിയായതിന് ശേഷവും ലഭിക്കും.
അഷ്വേര്‍ഡ് തുകയുടെ 20-20 ശതമാനം മണിബാക്ക് ടാക്‌സായി പോളിസി ഉടമയ്ക്ക് ലഭിക്കുന്നതാണ്. ഒപ്പം കുട്ടിയ്ക്ക് 25 വയസ് പൂര്‍ത്തിയാകുമ്പോള്‍ മുഴുവന്‍ തുകയും തിരികെ ലഭിക്കുകയും ചെയ്യും.
ശേഷിക്കുന്ന 40 ശതമാനം തുകയ്‌ക്കൊപ്പം ബോണസും ലഭിക്കും. ഈ പോളിസിലെ ഏറ്റവും ചുരുങ്ങിയ അഷ്വേര്‍ഡ് തുക 1 ലക്ഷം രൂപയാണ്. നിക്ഷേപകർക്ക് കോർപ്പസിന്റെ 60 ശതമാനം തവണകളായും 40 ശതമാനം ബോണസോടെയും കാലാവധി പൂർത്തിയാകുമ്പോൾ എടുക്കാം.
