രോമാഞ്ചം എന്ന സിനിമയുടെ സംവിധായകൻ ജിത്തു മാധവൻ വിവാഹിതനായി. സഹസംവിധായികയായ ഷിഫിന ബബിന്‍ പക്കര്‍ ആണ് വധു.
ലളിതമായി നടന്ന ചടങ്ങിൽ അടുത്ത സുഹൃത്തുക്കളും ബന്ധുക്കളും പങ്കെടുത്തു.
വിവാഹം കഴിഞ്ഞ സന്തോഷം ഷിഫിനയും ജിത്തുവും സമൂഹ മാധ്യമങ്ങളിൽ പങ്കുവെച്ചിട്ടുണ്ട്.
അർജുൻ അശോകൻ, ബിനു പപ്പു, നസ്രിയ നസിം, സൗബിൻ ഷാഹിർ ഉൾപ്പടെ നിരവധിപ്പേർ ഇരുവർക്കും ആശംസകള്‍ നേർന്നു.
2023 ഫെബ്രുവരിയിലാണ് രോമാഞ്ചം റിലീസ് ആയത്. ഹൊറർ കോമഡി ഗണത്തിൽപ്പെട്ട ചിത്രത്തിന് വലിയ സ്വീകാര്യത ലഭിച്ചിരുന്നു.
അതേസമയം ആവേശം എന്ന ചിത്രമാണ് ജീത്തു നിലവിൽ സംവിധാനം ചെയ്യുന്നത്.
ഫഹദ് ഫാസിൽ ആണ് ഈ ചിത്രത്തിൽ നായകൻ.
അൻവർ റഷീദ് പ്രൊഡക്ഷൻസ് ആണ് നിർമ്മിക്കുന്നത്.
