തെന്നിന്ത്യയിലെ മുന്‍നിര നായികമാരില്‍ ഒരാളാണ് കീര്‍ത്തി സുരേഷ്. പ്രശസ്ത ചലച്ചിത്ര നിര്‍മ്മാതാവ് സുരേഷ് കുമാറിന്റേയും ചലച്ചിത്ര നടി മേനകയുടെയും മകളാണ് കീർത്തി സുരേഷ്.
Keerthy Suresh latest photos: തിരുവനന്തപുരം പട്ടത്തെ കേന്ദ്രീയ വിദ്യാലയത്തിലാണ് കീർത്തി പ്രാഥമിക വിദ്യാഭ്യാസം പൂ‍ർത്തിയാക്കിയത്. സ്‌കൂള്‍ പഠനകാലത്ത് കോമഡിസ്‌കിറ്റ്, നാടകം, നൃത്തം തുടങ്ങിയ കലാമത്സരങ്ങളില്‍ കീർത്തി സജീവ സാന്നിധ്യമായിരുന്നു.
സിനിമയിൽ എത്തും മുമ്പ് ഫാഷൻ ഡിസൈനിംഗിനോടായിരുന്നു കീർത്തിയ്ക്ക് താത്പ്പര്യം.
ലണ്ടനില്‍ നിന്നും ഫാഷന്‍ ഡിസൈനിങ്ങ് പഠനം പൂര്‍ത്തിയാക്കിയ കീർത്തി ബാലതാരമായാണ് സിനിമയിൽ എത്തിയത്.
2002ല്‍ പുറത്തിറങ്ങിയ ദിലീപ് ചിത്രം കുബേരനില്‍ ബാലതാരമായി അഭിനയിച്ചാണ് കീർത്തി അരങ്ങേറ്റം കുറിക്കുന്നത്.
കൃഷ്ണ കൃപാസാഗരം, സന്താനഗോപാലം, ഗൃഹനാഥന്‍ തുടങ്ങിയ ടെലിവിഷന്‍ സീരിയലുകളിലും കീര്‍ത്തി അഭിനയിച്ചിട്ടുണ്ട്.
മോഹന്‍ലാല്‍ നായകനായ ഗീതാഞ്ജലി എന്ന ചിത്രത്തിലൂടെയാണ് കീർത്തി നായികയായി അരങ്ങേറ്റം കുറിച്ചത്.
