തിരുവനന്തപുരം: കോവിഡ് കാലത്ത് കേരളത്തിലെ 12 ലക്ഷത്തിലേറെ പ്രവാസികള്‍ക്ക് തൊഴില്‍ നഷ്ടപ്പെട്ടെന്ന് ധനമന്ത്രി കെ.എന്‍. ബാലഗോപാല്‍. നിയമസഭയില്‍ അവതരിപ്പിച്ച സാമ്പത്തിക സർവേയിലാണ് ധനമന്ത്രി ഇക്കാര്യം വ്യക്തമാക്കിയത്.
കോവിഡ് കാലത്ത് ആകെ 1,48,431 പ്രവാസികൾ മടങ്ങിയെത്തിയെന്നാണ് മന്ത്രി വ്യക്തമാക്കുന്നത്. എന്നാൽ ഈ കണക്കുകൾ ഔദ്യോഗികമല്ല. കോവിഡ് ജാഗ്രതാ പോർട്ടലിനെയും നോർക്ക റൂട്ട്സിനെയും ഉദ്ധരിച്ചുള്ള കണക്കുകളാണ് ഇത്. ഗൾഫിൽ ജോലി ചെയ്തിരുന്ന 72 ശതമാനം പേരുടെ തൊഴിൽ നഷ്ടപ്പെട്ടു. യുഎഇയിലാണ് കൂടുതൽ പേർക്ക് തൊഴിൽ നഷ്ടപ്പെട്ടത്. രണ്ടാം സ്ഥാനത്ത് സൗദി അറേബ്യയാണ്.
പ്രവാസികൾക്ക് തൊഴിൽ നഷ്ടപ്പെട്ടാൽ കേരളത്തിന്റെ സാമ്പത്തിക സ്ഥിതിയെയും ഇത് കാര്യമായി ബാധിക്കും. ഒരു വർഷം കേരളത്തിലേക്ക് പ്രവാസികൾ 20,000 കോടിയോളം രൂപ അയയ്ക്കുന്നുണ്ടെന്നാണ് ബാങ്കിങ് മേഖല വ്യക്തമാക്കുന്നത്. പ്രവാസികൾക്ക് തൊഴിൽ നഷ്ടപ്പെട്ടാൽ ഈ തുകയിൽ വലിയ കുറവ് ഉണ്ടാകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
