ആർബിഐയുടെ എംപിസി യോഗം ഓഗസ്റ്റ് എട്ടിനാണ് ചേരുന്നത്. റിപ്പോ നിരക്കിന്റെ കാര്യത്തിൽ വലിയ തീരുമാനം ഇതിലുണ്ടാകും. ഇതിൻറെ ഫലമായി, വായ്പകൾക്ക് ചെലവ് കൂടുകയും ബാങ്കുകൾ സ്ഥിര നിക്ഷേപങ്ങളുടെ പലിശ വർദ്ധിപ്പിക്കുകയും ചെയ്തേക്കാം. നിക്ഷേപത്തിനുള്ള മികച്ച ഓപ്ഷനുകളിലൊന്നായാണ് ഫിക്സഡ് ഡിപ്പോസിറ്റുകൾ കണക്കാക്കുന്നത് ചില ബാങ്കുകൾ ഇപ്പോളെ എഫ്‌ഡിയുടെ പലിശ നിരക്കിൽ മാറ്റം വരുത്തിയിട്ടുണ്ട്.
പലിശ നിരക്കിൽ മാറ്റം
എംപിസി മീറ്റിംഗിന് മുമ്പ്, ഇൻഡസ്ഇൻഡ് ബാങ്ക് എഫ്‌ഡിയുടെയും സേവിംഗ്‌സ് അക്കൗണ്ടിന്റെയും പലിശ നിരക്കിലും മാറ്റം വരുത്തിയിട്ടുണ്ട്. പുതിയ നിരക്ക് ഓഗസ്റ്റ് അഞ്ച് മുതൽ നിലവിൽ വന്നു. 2 കോടിയിൽ താഴെയുള്ള എല്ലാ സ്കീമുകളുടെയും പലിശ നിരക്ക് പരിഷ്കരിച്ചു. 25 ബേസിസ് പോയിന്റാണ് ബാങ്ക് പലിശ നിരക്ക് കുറച്ചത്.
പുതിയ നിരക്കുകൾ എത്രയാണ്?
1 വർഷം, 7 മാസം മുതൽ 2 വർഷം വരെയുള്ള സ്ഥിര നിക്ഷേപങ്ങൾക്ക് 7.25 ശതമാനം മുതൽ 7.50 ശതമാനം വരെയാണ് ബാങ്ക് പലിശ വാഗ്ദാനം ചെയ്യുന്നത്. മുതിർന്ന പൗരന്മാർക്ക് 0.75% കൂടുതൽ പലിശ നൽകുന്നു. സാധാരണ പൗരന്മാർക്ക് 7 ദിവസം മുതൽ 30 ദിവസം വരെയുള്ള സ്ഥിര നിക്ഷേപങ്ങൾക്ക് 3.5% പലിശ ലഭിക്കുന്നു. 30 മുതൽ 45 ദിവസത്തെ എഫ്ഡിയിൽ 4%, 46 മുതൽ 60 ദിവസം വരെയുള്ള എഫ്ഡിയിൽ 4.5%, 61 മുതൽ 90 ദിവസം വരെയുള്ള എച്ച്ഡിയിൽ 4.6% ഉം ആയിരിക്കും പലിശ.
ഈ പദ്ധതികളിൽ 7.25% പലിശ
ഇൻഡസ് ടാക്സ് സേവർ സ്കീമിന് 7.25% പലിശ ബാങ്ക് വാഗ്ദാനം ചെയ്യുന്നു. 2 വർഷം 9 മാസം മുതൽ 3 വർഷം 3 മാസം വരെയും 2 വർഷം മുതൽ 2 വർഷം 1 മാസം വരെയും FD കളിലും ഇതേ പലിശ ലഭ്യമാണ്.
മറ്റ് ടേമിനുള്ള പലിശ നിരക്ക്
ഒരു വർഷം, 7 മാസം മുതൽ 2 വർഷം വരെയുള്ള FD-കൾക്ക് 7.5 ശതമാനം പലിശ ലഭിക്കുന്നു. 211 ദിവസം മുതൽ 269 ദിവസം വരെയുള്ള എഫ്ഡികൾക്ക് 6.1% പലിശയും 354 ദിവസം മുതൽ 364 ദിവസം വരെയുള്ള എഫ്ഡികൾക്ക് 6.35% പലിശയുമാണ് നൽകുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
