PM Modi Kolkata Visit: ਪਾਣੀ ਥੱਲੇ ਚੱਲਣ ਵਾਲੀ ਦੇਸ਼ ਦੀ ਪਹਿਲੀ ਮੈਟਰੋ ਦਾ ਪੀਐਮ ਮੋਦੀ ਕਰਨਗੇ ਉਦਘਾਟਨ

PM Modi Kolkata Visit: ਦੇਸ਼ ਵਿੱਚ ਪਾਣੀ ਦੇ ਥੱਲ਼ੇ (UnderWater) ਚੱਲਣ ਵਾਲੀ ਪਹਿਲੀ ਮੈਟਰੋ ਦਾ ਅੱਜ ਉਦਘਾਟਨ ਹੋਣ ਜਾ ਰਿਹਾ ਹੈ। ਬੁੱਧਵਾਰ ਨੂੰ ਗੰਗਾ ਰਾਹੀਂ ਮੈਟਰੋ ਲਾਈਨ ਦਾ ਉਦਘਾਟਨ ਕੀਤਾ ਜਾਵੇਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੱਛਮੀ ਬੰਗਾਲ ਵਿੱਚ ਇਸ ਸ਼ਾਨਦਾਰ ਮੈਟਰੋ ਦਾ ਉਦਘਾਟਨ ਕਰਨਗੇ।

ਪ੍ਰਧਾਨ ਮੰਤਰੀ ਐਸਪਲੇਨੇਡ-ਹਾਵੜਾ ਮੈਦਾਨ, ਕਵੀ ਸੁਭਾਸ਼-ਹੇਮੰਤ ਮੁਖੋਪਾਧਿਆਏ ਅਤੇ ਤਰਾਤਲਾ-ਮਾਜੇਰਹਾਟ ਮੈਟਰੋ ਸੈਕਸ਼ਨ ਦਾ ਉਦਘਾਟਨ ਕਰਨਗੇ। ਇਸ ਨਾਲ ਯਾਤਰੀਆਂ ਨੂੰ ਕਾਫੀ ਫਾਇਦਾ ਮਿਲੇਗਾ। ਇਸ ਮੈਟਰੋ ਦੇ ਛੇ ਸਟੇਸ਼ਨ ਹੋਣਗੇ ਜਿਨ੍ਹਾਂ ਵਿੱਚੋਂ 3 ਅੰਡਰਗਾਊਂਡ ਹਨ।

ਮਹਾਰਾਸ਼ਟਰ ਨੂੰ ਵੀ ਵਿਕਾਸ ਪ੍ਰੋਜੈਕਟਾਂ ਦਾ ਤੋਹਫਾ ਮਿਲੇਗਾ
ਅੰਡਰਵਾਟਰ ਮੈਟਰੋ ਤੋਂ ਇਲਾਵਾ, ਪ੍ਰਧਾਨ ਮੰਤਰੀ ਕਵੀ ਸੁਭਾਸ਼-ਹੇਮੰਤ ਮੁਖੋਪਾਧਿਆਏ ਮੈਟਰੋ ਸੈਕਸ਼ਨ ਅਤੇ ਤਰਾਤਲਾ-ਮਾਜੇਰਹਾਟ ਮੈਟਰੋ ਸੈਕਸ਼ਨ ਦਾ ਵੀ ਉਦਘਾਟਨ ਕਰਨਗੇ। ਇਸ ਦੇ ਨਾਲ ਹੀ ਪੀਐਮ ਮੋਦੀ ਦੇਸ਼ ਭਰ ਵਿੱਚ ਕਈ ਵੱਡੇ ਮੈਟਰੋ ਅਤੇ ਰੈਪਿਡ ਟਰਾਂਜ਼ਿਟ ਪ੍ਰੋਜੈਕਟਾਂ ਦਾ ਉਦਘਾਟਨ ਵੀ ਕਰਨਗੇ। ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਪਿੰਪਰੀ ਚਿੰਚਵਾੜ ਮੈਟਰੋ-ਨਿਗੜੀ ਵਿਚਕਾਰ ਪੁਣੇ ਮੈਟਰੋ ਰੇਲ ਪ੍ਰੋਜੈਕਟ ਫੇਜ਼ 1 ਦੇ ਵਿਸਤਾਰ ਲਈ ਨੀਂਹ ਪੱਥਰ ਵੀ ਰੱਖਣਗੇ।

ਕੋਲਕਾਤਾ ਦੀ ਈਸਟ-ਵੈਸਟ ਮੈਟਰੋ ਦਾ ਪਹਿਲਾ ਪੜਾਅ
ਧਿਆਨ ਯੋਗ ਹੈ ਕਿ ਫਰਵਰੀ 2020 ਵਿੱਚ, ਤਤਕਾਲੀ ਰੇਲ ਮੰਤਰੀ ਪੀਯੂਸ਼ ਗੋਇਲ ਨੇ ਸਾਲਟ ਲੇਕ ਸੈਕਟਰ V ਅਤੇ ਸਾਲਟ ਲੇਕ ਸਟੇਡੀਅਮ ਨੂੰ ਜੋੜਨ ਵਾਲੇ ਕੋਲਕਾਤਾ ਮੈਟਰੋ ਦੇ ਪੂਰਬ-ਪੱਛਮੀ ਮੈਟਰੋ ਕਾਰੀਡੋਰ ਦੇ ਪਹਿਲੇ ਪੜਾਅ ਦਾ ਉਦਘਾਟਨ ਕੀਤਾ ਸੀ। 16.5 ਕਿਲੋਮੀਟਰ ਲੰਬੀ ਮੈਟਰੋ ਲਾਈਨ ਹੁਗਲੀ ਦੇ ਪੱਛਮੀ ਕੰਢੇ 'ਤੇ ਹਾਵੜਾ ਨੂੰ ਪੂਰਬੀ ਕੰਢੇ 'ਤੇ ਸਾਲਟ ਲੇਕ ਸਿਟੀ ਨਾਲ ਜੋੜਦੀ ਹੈ। 10.8 ਕਿਲੋਮੀਟਰ ਹਿੱਸਾ ਭੂਮੀਗਤ ਹੈ। ਇਹ ਭਾਰਤ ਦਾ ਪਹਿਲਾ ਅਜਿਹਾ ਟਰਾਂਸਪੋਰਟ ਪ੍ਰੋਜੈਕਟ ਹੈ, ਜਿਸ ਵਿੱਚ ਮੈਟਰੋ ਰੇਲ ਨਦੀ ਦੇ ਹੇਠਾਂ ਬਣੀ ਸੁਰੰਗ ਵਿੱਚੋਂ ਲੰਘੇਗੀ।

ਇਹ ਵੀ ਪੜ੍ਹੋ : Kisan Andolan Live Updates: ਕਿਸਾਨਾਂ ਦਾ ਦਿੱਲੀ ਕੂਚ ਅੱਜ; ਅੰਨਦਾਤਾ ਕਿਸ ਤਰ੍ਹਾਂ ਪੁੱਜੇਗਾ ਰਾਜਧਾਨੀ; ਜਾਣੋ ਪੂਰੀ ਯੋਜਨਾ

ਮੈਟਰੋ ਰੇਲ ਅਨੁਸਾਰ ਇਸ ਗਲਿਆਰੇ ਦੀ ਪਛਾਣ 1971 ਵਿੱਚ ਸ਼ਹਿਰ ਦੇ ਮਾਸਟਰ ਪਲਾਨ ਵਿੱਚ ਕੀਤੀ ਗਈ ਸੀ। ਮੈਟਰੋ ਰੇਲਵੇ ਦੇ ਮੁੱਖ ਲੋਕ ਸੰਪਰਕ ਅਧਿਕਾਰੀ ਕੌਸ਼ਿਕ ਮਿੱਤਰਾ ਨੇ ਕਿਹਾ, ‘ਹਾਵੜਾ ਅਤੇ ਕੋਲਕਾਤਾ ਪੱਛਮੀ ਬੰਗਾਲ ਦੇ ਦੋ ਸਦੀਆਂ ਪੁਰਾਣੇ ਇਤਿਹਾਸਕ ਸ਼ਹਿਰ ਹਨ ਅਤੇ ਇਹ ਸੁਰੰਗ ਇਨ੍ਹਾਂ ਦੋਵਾਂ ਸ਼ਹਿਰਾਂ ਨੂੰ ਹੁਗਲੀ ਨਦੀ ਦੇ ਹੇਠਾਂ ਜੋੜ ਦੇਵੇਗੀ।’ 

ਇਹ ਵੀ ਪੜ੍ਹੋ : Shaheed Balveer Singh Cremation: ਰਜੌਰੀ 'ਚ ਸ਼ਹੀਦ ਹੋਏ ਅਕਾਲਗੜ੍ਹ ਕਲਾਂ ਦੇ ਜਵਾਨ ਦਾ ਨਮ ਅੱਖਾਂ ਨਾਲ ਹੋਇਆ ਅੰਤਿਮ ਸਸਕਾਰ